Koronavirus bo‘yicha Telegram-bot ishga tushirildi
Yurtimizda jamoatchilikni koronavirus to‘g‘risida xabardor qilish va tarqalishining oldini olish borasidagi chora-tadbirlarni keng jamoatchilikka yetkazish maqsadida rasmiy http://coronavirus.uz/uz veb-sayti tashkil qilinganidan xabaringiz bor. Shuningdek, «Koronavirus info» (@koronavirusinfouz) kanalini ham Telegram rasman tasdiqlagan.
O‘QING: Koronavirusni aniqlash bo‘yicha dastlabki testni endi internet orqali topshirish mumkin!
AKT vazirligi xabariga ko‘ra, koronavirus infeksiyasi bo‘yicha «Coronavirus Yordam» nomli yangi Telegram-bot ham ishga tushirildi. Telegram-botga havola: @coronavirusYordamBot.
Mazkur yordam boti O‘zbekiston Respublikasi Axborot texnologiyalari va kommunikatsiyalarini rivojlantirish vazirligi, Sog‘liqni saqlash vazirligi va UZINFOCOM Yagona integratori hamkorligida tashkil etilgan.
Telegram-bot orqali fuqarolar onlayn rejimida koronavirus infeksiyasi bo‘yicha o‘zbek va rus tillarida shifokor tomonidan konsultatsiyani olish imkoniga ega.
Telegram-bot ishga tushirilishi bilan aholi uchun yanada qulaylik yaratildi: endi fuqarolarimiz call-markaziga murojaat qilgan paytida telefon qo‘ng‘irog‘iga javob kutmasdan, bevosita bot orqali murojat qilishlari va tezkor yordam olishlari mumkin.
