Rekord hajmli «operativka»ga ega smartfon tayyor!
Smartfonlarning ishlash samaradorligini ta’minlashda protsessor bilan birga, tezkor xotiraning ham ahamiyati katta ekanini bilamiz. Ammo buni rad etuvchi fikrlar ham mavjud.
O‘QING: “Yirik “operativka”li smartfon — marketing aldovidir!”
Ayni damgacha bozorga taqdim etilgan modellar orasida bu ko‘rsatkichning eng kattasi 8 gigabaytni tashkil etadi. Yangi ma’lumotlarga ko‘ra, Oppo kompaniyasi bu borada birinchi rekordchi bo‘lmoqchi. Ya’ni, u o‘zining Find X flagmanini yangi modifikatsiyada tayyorlagan – uning tezkor xotirasi hajmi 10 gigabaytga teng.
Bu haqda mashhur xitoylik insayder Ice Universe ma’lumot tarqatgan. U e’lon qilgan suratda TENAA ma’lumotlar bazasidan olingan ma’lumotlar aks ettirilgan. U yerda esa 10 GB tezkor va 256 GB doimiy xotiraga ega Oppo Find X qayd etilgan.
Eslatib o‘tamiz, Oppo Find X modeli yuksak texnik xususiyatlarga va original tarzdagi – korpus yuqorisidan surilib chiquvchi mexanizmda joylashgan old kamera tizimiga ega. Uning boshqa jihatlari bilan mana bu xabarimizda tanishib chiqishingiz mumkin.
O‘QING: S9'dan 10 karra yaxshi Oppo Find X arzon narxda sotuvga chiqdi
