Telegram’ning Android-ilovasi 4.9.1 talqinda: yangi imkoniyatlar bilan tanishing!
O‘zbekistonda ommabop messenjerlardan bo‘lgan Telegram o‘zining «yashil robotchali» qurilmalarda ishlatishga mo‘ljallangan ilovasini yangiladi. Unda foydalanuvchilar uchun bir qator yangi imkoniyatlar taqdim etilgan.
O‘QING: Rossiya maxsus xizmatlari Telegram anonimligini buzib kira olishdi!
Android operatsion tizimi uchun taqdim etilgan 4.9.1 talqinidagi Telegram’da, jumladan, quyidagi o‘zgarishlar amalga oshirilgan:
- O‘ziga xos sozlamalarga ega chatlarni yanada qulay ko‘rish uchun bildirishnomalar sozlamalarida yangi bo‘lim tashkil etilgan.
- Telegram Passport endi ko‘plab ma’lumotlarni, shu jumladan, hujjatlarning tarjima qilingan versiyalarini ham qo‘llab-quvvatlaydi.
- Telegram Passport’da ma’lumotlarning muhofazasi kuchaytirilgan.
- Telegram Desktop orqali ma’lumotlarni eksport qilish imkoniyati yuzaga kelgan.
Android-smartfoningizga ushbu messenjerni mana bu havola orqali Google Play’dan yuklab (avvaldan foydalanayotgan bo‘lsangiz – yangilab) olishingiz mumkin.
O‘QING: Xushxabar: UMS ham o‘z Telegram-botini ishga tushirdi!