Tesla rahbari Ilon Mask bir kunda 16,5 mlrd dollaridan ayrildi!
SpaceX kompaniyasining asoschisi, Tesla bosh direktori Ilon Mask o‘tgan bir kecha-kunduzda $16,5 mlrd yo‘qotib, sayyoramizning eng boy odamlari reytingida sakkizinchi o‘ringa tushib ketdi. Bu haqda milliarderlarning real vaqt tartibida mol-mulkini baholovchi «Forbes Real-Time»ning 9 sentyabr kungi reytingi ma’lumotlari dalolat bermoqda, deb yozadi Xabar.uz.
O‘QING: Starlink fazoviy internetining tezligi ancha oshdi
Kuni kecha savdoda Tesla aksiyalari qiymatining beshdan bir qismini yo‘qotdi. Nyu-York fond birjasi yopilishida ular 21,06% — $330,21 ga arzonlashgan.
Tahlilchilarning fikricha, ishlab chiqaruvchi aksiyalari qiymatining pasayishi asossiz keskin ko‘tarilish bilan bog‘liq «pufak»ning shakllanishi hamda o‘tgan hafta Tesla’ning S&P 500 keng bozori indeksiga tushmaganligi ta’sir qilgan bo‘lishi mumkin.
Bundan tashqari, 8 sentyabr kuni Nikola va GM kompaniyalari Badger elektr yuk mashinalarini ishlab chiqarish uchun birlashganini e’lon qilishdi. U Tesla’ga qarashli Cybertruck elektropikapining to‘g‘ridan-to‘g‘ri potensial raqobatchisi hisoblanadi.
Forbes talqiniga ko‘ra, seshanba kuni Mask dunyoning eng boy odamlari ro‘yxatida 68 mlrd dollar bilan yettinchi pog‘onani egallagandi. Endi uning mol-mulki taxminan 36 mlrd dollarga baholanmoqda.
O‘QING: Ilon Mask kiborg-odamlar uchun yangi chipni va kiborgga aylantirilgan cho‘chqani ko‘rsatdi (video)