Vladimir Putin atigi 10 dollarlik VR-shlem yordamida virtual olamga sayohat qildi (+video)
Rossiya prezidenti kecha Moskva davlat universitetiga tashrif buyurib, virtual borliq shlemlari uchun ilova ishlab chiqqan talabalar bilan uchrashdi. Putin zamonaviy texnologiyalar rivojini qo‘llab-quvvatlasa-da, shaxsan o‘zi gadjetlardan uncha foydalanmaydi.
O‘QING: Sir ochildi: nega Putin umuman smartfon ishlatmaydi?
Moskva davlat universiteti talabalari ushbu o‘quv dargohining muzeyidagi eksponatlarning uch o‘lchamli modellarini yaratishgan va ularni VR – virtual reallik (virtual borliq) formatida tomosha qilish mumkin.
Prezident mazkur ilova bilan VR-shlem orqali tanishib, eksponatlarni tomosha qildi. Bunda u internet-do‘konlardan atigi 10 dollarga olish mumkin bo‘lgan Monster Vision VR Headset garniturasidan foydalangan.
O‘QING: Putin bilan ko‘rishgan robotni Tesla avtopiloti urib «o‘ldirdi» (+video)
Quyidagi videolavhada ushbu jarayonni tomosha qilishingiz mumkin:
Darvoqe, Monster Vision VR Headset garniturasining arzonligiga sabab – uning o‘zida elektron qism yo‘q, balki faqatgina maxsus optikasi hamda smartfonni mahkamlash qisqichlari bor.
O‘QING: Putin Trampga sovg‘a qilgan JCh–2018 to‘pining ichidan qanday chip topishdi?
