Xiaomi Mi Mix 4 suratlarda: to‘rttalik bosh kamerali slayder!
«Xitoycha Apple» shu yilning kuzida Xiaomi Mi Mix 4 smartfonini namoyish etishi kerak. Terabayt.uz saytida u haqdagi ayrim ma’lumotlarni e’lon qilganmiz.
O‘QING: Xiaomi rahbari: «Bu ikki smartfonni endi kutmay qo‘yavering!»
Internetda kuni kecha yangi smartfonning patent hujjatlaridan olingan suratlar tarqaldi. Ko‘pchilikning fikricha, bu aynan o‘sha Xiaomi Mi Mix 4 modelidir.
Mazkur qurilma bosh kamerasi to‘rttalik bo‘lib, bu sensorlar doirasimon blok ichiga olingan. Yorug‘lik-diodli fotochaqnoq esa ushbu doiraning o‘rtasida yoki undan tashqarida joylashishi mumkin. Aftidan, ishlab chiqaruvchi buning turli variantlarini sinab ko‘rmoqda.
O‘QING: Redmi kamerasi 64 MPlik birinchi smartfonini va unda olingan rasmni e’lon qildi
Mi Mix 4 orqa panelida daktiloskopik skaner ko‘rinmaydi. Demak, Xiaomi ushbu datchikni bevosita ekranning o‘ziga integratsiya qilyapti.
Qurilmaning o‘zi bizga Xiaomi Mi Mix 3 orqali tanish bo‘lgan slayder form-faktoriga ega. Uning old paneli pastga surilganida, ikki modulli selfi-kamera ochiladi.
Hozirgacha global bozorga chiqqan turli rusumlardagi Xiaomi telefonlarini esa 590 000 so‘mdan boshlanuvchi narxlar evaziga Terashop.uz internet-do‘konimizdan sotib olish mumkin.