Yangi avlod eng arzon Nokia smartfoni: videosi va xususiyatlarini ko‘ramiz!
HMD Global kompaniyasining bulturgi eng arzon smartfoni – Nokia C1 modeli dekabrda namoyish etilgan. 3G tarmog‘ida ishlovchi mazkur qurilma atigi 59 dollarga baholangan bo‘lib, uning davomchisi 4G standartiga ega.
O‘QING: Atigi 59 dollarlik modelning davomchisi – Nokia’ning o‘ta arzon 4G-smartfoni tayyor!
Kompaniya shu yilning 19 mart kuni London shahridagi taqdimotida flagman modellari bilan birga, yangi avlod eng arzon smartfoni – Nokia C2 modelini ham namoyish etadi. Nokia brendi allaqachon ushbu arzon gadjetining reklama roligini e’lon qildi:
Nokia C2 rusumli mazkur devays sig‘imdor akkumulyatorga va Android 9 Pie (Go Edition) operatsion tizimiga ega.
O‘QING: Endi eng arzon smartfonlarga ham Android 10 o‘rnatsa bo‘ladi!
Quyida Nokia C2 smartfonining texnik xususiyatlari bilan tanishamiz:
Displey: IPS, 5,7", 18:9
Protsessor: 4 yadroli UNISOC (1,4 GGs)
Tezkor xotira: 1 GB
Ichki xotira: 16 GB, yana 64 GBgacha microSD qo‘yish mumkin
Akkumulyator: 2800 mA/soatlik
Bosh kamera: 5 Mp (f/2.2)
Old kamera: 5 Mp
Operatsion tizim: Android 9 Pie Go Edition
Aloqa: 4G VoLTE, Wi-Fi 802.11b/g/n, Bluetooth 4.2, GPS
Portlari: micro-USB, 3,5 mm.lik audiotirqish
Qo‘shimcha: FM-radio, Google Assistant tugmachasi
O‘lchamlari: 154,8x75,59x8,85 mm
Vazni: 161 gramm
Kompaniya Nokia C2 narxini 19 mart kuni Londondagi taqdimot marosimida ma’lum qiladi. O‘sha tadbirda yana dunyodagi ilk tugmachali Android-telefon – Nokia 400 modelini ham ko‘ramiz.