Benchmarklarni aldovchi bu smartfon juda tez sotilyapti!

Mobil dasturchilar hamjamiyati – XDA Developers dokladiga ko‘ra, OnePlus 5 smartfoni sintetik test paytida Snapdragon 835 chipining samaradorligini sun’iy oshirish mexanizmini qo‘llaydi. Mutaxassislarning fikricha, kundalik foydalanish paytida smartfon bu qadar yuqori darajadagi samaradorlikni qo‘llab-quvvatlashga qodir emas, deb yozadi PhoneArena nashri.

G‘irrom o‘ynayapti…

One Plus’ning yangi flagmani hali kechagina taqdim etilgan edi, bugun esa u bilan bog‘liq mojaro ko‘tarilmoqda. Aniqlanishicha, test paytida samaradorlikni sun’iy oshirish mexanizmi Snapdragon 835 protsessorining sakkizta yadrosidan to‘rttasini maksimal – 1,9 GGs chastotada ishlashga majbur etadi. Oddiy holatlarda esa chastota smartfon bajarayotgan vazifalarga qarab o‘zgarib turadi.

Tadqiqotlar davomida XDA dasturchilarining aniqlashlaricha, odatda vazifalarning faqat 24,4 foizidagina yadrolar maksimal chastotada ishlaydi. Benchmark testlarida esa bu ko‘rsatkich to‘rt baravarga oshadi, ammo bu smartfonning kundalik ishlashini haqqoniy aks ettirmaydi.

Shuning evaziga OnePlus 5 qurilmasi Snapdragon 835 chipida ishlaydigan barcha smartfonlar orasida eng yuqori ko‘rsatkichlarni namoyon etmoqda. U chindan ham o‘ta tezkor va zamonaviy smartfon, biroq testlardagi ko‘rsatkichlar haqqoniy natijalarni aks ettirmayapti.

Ammo bozori chaqqon!

Ayni paytda, OnePlus muassislaridan biri – Karl Pey o‘zining Tvitterida yozishicha, OnePlus 5 bu kompaniyaning «eng tez sotilayotgan qurilmasi» bo‘lib turibdi:

Aytish kerakki, bu da’vo faqat oldindan berilayotgan buyurtmalarga asoslangan. Chunki OnePlus 5 ochiq savdoga hali 27 iyundagina chiqariladi.

Shuni ham ta’kidlash o‘rinliki, mazkur flagman – OnePlus’ning bugungi kundagi eng qimmat smartfonidir. Tag‘in, bunga uning dizayni iPhone 7 Plus’ga o‘xshashligi ham sabab bo‘layotgan bo‘lishi mumkin.

Raqiblariga kelsak…

OnePlus 5 anchagina qattiq jangga kirishayotir. Qarang-da, uning raqiblari qanday xususiyatlarga ega:

Voqealar rivojini biz bilan kuzating!