Eshitish va nutqida nuqsoni bor nogironlar uchun dispetcherlik xizmati tashkil etiladi
Ayni paytda respublikamizda eshitish va nutqida nuqsoni bor nogironlar soni 21 mingtani tashkil etadi. Kar va eshitishda nuqsoni bor bolalar uchun 14 ta ixtisoslashtirilgan maktab-internatlar faoliyat yuritmoqda, ularda 4350 dan ortiq o‘quvchilar ta’lim olmoqda. Bunday shaxslarni ijtimoiy qo‘llab-quvvatlash maqsadida dispetcherlik xizmatini tashkil etish ko‘zda tutilmoqda. Bu xaqida O‘zbekiston Respublikasi innovatsion rivojlanish vazirligi xabar bermoqda. Shuningdek, eshitish va nutqida nuqsoni bor nogironlar uchun O‘zbekiston Respublikasi Prezidentining Qaror loyihasi e’lon qilingan. Hozirda ushbu Qaror loyihasi keng jamoatchilik muhokamasiga qo‘yilgan.
