iPhone X Plus displeyining ilk «jonli» surati tarqaldi

Apple korporatsiyasi joriy yilning kuzida uchta smartfon taqdim etishni rejalashtirgan. Ular orasida iPhone X Plus modeli ham mavjudligidan xabardorsiz.

O‘QING: Bu yil qanday iPhone’lar chiqishi aniq bo‘ldi

Barselonada MWC 2018 anjumani davom etar ekan, xitoylik manbalar dunyo ahlining e’tiborini boshqa tomonga jalb etishni ham uddalashdi. Ya’ni, ular LG Display kompaniyasi tomonidan iPhone X Plus uchun tayyorlangan displeyning birinchi fotosuratini internetga chiqarib yuborishdi.

Mana, mazkur displey quyidagicha ko‘rinishga ega:

Aytib o‘tish o‘rinliki, iPhone X smartfoni uchun displeylarning yagona yetkazib beruvchisi Samsung kompaniyasi edi. Biroq keyinchalik kupertinoliklar o‘zlarining asosiy raqibi bo‘lmish Samsung’dan cho‘chib, o‘z smartfonlari uchun displey yetkazib berish bo‘yicha LG Display bilan hamkorlik borasida kelishib olgan.

O‘QING: Apple «raskladushka» iPhone chiqarmoqchi, ammo Samsung’dan cho‘chiyapti