Meizu 16: uni imo-ishora bilan ham boshqarish mumkin
Avgust oyida yangi Meizu16 modeli sotuvga chiqadi, hozircha esa ommaviy axborot vositalarida kompaniyaning yangi smartfoni haqida gap-so‘zlar tarqalmoqda. Masalan. Xitoyning Weibo ijtimoiy tarmog‘ida qurilmaning interfes tasviri namoyish qilindi, foydalanuvchilar gadjetni qanday boshqarishi ham ko‘rsatilgan.
Sozlagichda uchta navigatsiya tizimi bo‘ladi. Birinchi — bu Android navigatsiyasining standart tizimi, tanlash chog‘ida ekranda orqaga, uyga klavishi va ko‘p funksionalli tugma paydo bo‘ladi. Ikkinchisi — mBack texnologiyasi. Meizu kompaniyasining rahbari Xuan Chjanning ta’kidlashicha, dasturchilar uni yanada mukammashlashtirish ustida ish olib bormoqda. E’tibor bering: Meizu 16’ning birorta ham suratida mexanik tugmacha yo‘q, bundan shunday xulosaga kelish mumkinki, u ekran ostidagi barmoq izlari skaneri bilan birlashtirib yuborilgan.
O‘QING: Meizu X8 smartfoni: narxi ma’lum bo‘ldi, raqibi ham
Uchunchisi esa, bu — qurilmani imo-ishora bilan boshqarishdir. Uning qanday ishlashi haqida hozircha hech qanday ma’lumot yo‘q, lekin gap-so‘zlar o‘z isbotini topsa, 16 chi model Meizu’ning shunday texnologiyadagi ilk smartfoni bo‘ladi.
Mish-mishlarga qaraganda, Meizu 16 asosiy qo‘sh kameraga ega bo‘ladi, u chaqnoq-halqa va Snapdragon 710 chipi bilan ta’minlanadi. Uning akasi Meizu 16 Plus esa Snapdragon 845 chipi bilan ta’minlanadi. Ikkalasida ham mis trubaorqali sovutish tizimiga ega. Yangi qurilmalarning narxi 469–666 AQSh dollari atrofida bo‘ladi, deyilmoqda.
