Telegram’da o‘yin o‘ynash imkoniyati paydo bo‘ldi

Eng ommabop messenjerlardan biri bo‘lgan Telegram’da endilikda turli o‘yinlarni bevosita chat interfeysida o‘ynash mumkin bo‘ldi. Bu borada messenjer blogida ma’lumot berilgan. O‘yinlar bot-platforma asosida ishlaydigan Gaming Platform 1.0 versiyasida orqali ishga tushiriladi. Platformada kuchli grafika va tovush parametrlari qo‘llab-quvvatlanadi.

Hozirda Telegram’da 30 yaqin o‘yin mavjud bo‘lib, kelajakda o‘yinlar miqdori uzluksiz ko‘paytirib boriladi.

O‘yinni boshlash uchun istalgan chatda “@gamee “ botini chaqirish kerak bo‘ladi. (Avval Telegram’ni so‘nggi versiyaga yangilashni unutmang)

Servis HTML5 protokoli bazasida yaratilgan bo‘lib, o‘yinlar so‘rov bo‘yicha oddiy veb-sahifa sifatida yuklanadi va gadjetning xotirasini doimiy tarzda band etmaydi. O‘yinlarni Apple (iPhone 4’dan boshlab) va Android qurilmalarida (Android 4.4 versiyasidan boshlab) o‘ynash mumkin.