Xiaomi va Nokia patent bitimini tuzishdi
Xitoyning Xiaomi kompaniyasi
hamda Finlyandiyaning Nokia telekommunikatsion giganti uyali aloqa standartlariga
patentlar bo‘yicha kross-litsenzion bitim imzolashdi. Bu haqda Nokia o‘z saytida ma’lum qilgan.
Kelishuv doirasida xitoyliklar kompaniyasi Nokia’ning patent aktivlaridan
bir qismiga egalik qiladigan bo‘lgan va uning tarmoq uskunalaridan foydalanishni
rejalashtirmoqda. Mazkur hamkorlikning moliyaviy shartlari oshkor etilmayotir.
Ma’lum bo‘lgani shuki, kompaniyalar optik transport tarmoqlarini qo‘llagan
holda ma’lumotlarni qayta ishlash markazlari uchun interkonnekt yechimlari, yaqinda
taqdim etilgan Nokia FP4 protsessori bazasida ma’lumotlar uzatish tizimlari
vaboshqalar ustida hamkorlikda ishlashadi.
Shuningdek, Xiaomi va Nokia «Buyumlar interneti», to‘ldirilgan/virtual
reallik va sun’iy ong kabi sohalarda hamkorlik qilish imkoniyatlari ham ko‘rib
chiqilmoqda. Nokia smartfonlarida Xiaomi protsessorlari qo‘llanishi haqidagi
gap-so‘zlar esa o‘z isbotini topmadi.
Sotib olgan patentlari Xiaomi’ga yangi bozorlarga chiqishga yordam berishi mumkin.