67 655 долларлик қулоқчин қимматми? 750 000 долларлиги чиқди!
Турли илғор технологик маҳсулотларнинг люкс-версияларини ишлаб чиқувчи Caviar бренди ҳақида кўп ёзганмиз. Ундан бошқа компаниялар, заргарлик фирмалари ва кийим-кечаклар брендлари ҳам шундай қилиб туради.
ЎҚИНГ: 20 000 долларлик AirPods чиқди! Биласизми, унинг сири нимада?
Caviar ўтган йили Apple тақдим этган буткул симсиз AirPods Pro қулоқчинининг бир неча вариантлардаги қимматбаҳо талқинларини намойиш қилган ва уларнинг энг зўри 67 655,52 АҚШ долларига нархланган.
Қулоқчин ишлаб чиқарувчи Beats компанияси лондонлик заргар Graff билан ҳамкорликда тайёрлаган Diamond & Ruby Beats Pro модели эса ҳаммасидан ошиб тушди. Ягона нусхада чиқарилган ушбу аксессуар учун оз эмас, кўп эмас – нақ 750 000 доллар сўрашяпти!
Diamond & Ruby Beats Pro корпуси платинадан ишланган ва унга жами нақ 126,76 қиротлик бриллиант ва ёқут (рубин) қадалган.
Қулоқчинга ҳақиқийлик сертификати ҳам илова қилинган – у гаджетда чиндан ҳам ҳақиқий Graff қимматбаҳо тошлари қўлланганини тасдиқлайди. Хоҳловчилар у билан батафсил танишиш ва чўнтаги кўтарса харид қилиш учун мана бу ҳавола орқали Diamond & Ruby Beats Pro рсмий саҳифасига ўтишлари мумкин.
ЎҚИНГ: Қорақалпоғистонлик онахонга ўғли олтин iPhone X ҳадя этди (+видео)
