Galaxy A8s ҳамда Huawei Nova 4’дан ҳам аввал: «тешик» дисплейли Lenovo Z5S’ни «жонли» видео ва расмда кўринг!

Жанубий кореялик техногигант Galaxy A8s моделида мутлақо янги технология қўллаётганини – олд камера учун экранда «тирқиш» очаётганини эълон қилганди. Аммо аллақачон Хитой метрополитенида Huawei’нинг худди шундай смартфони «қўлга тушган».

ЎҚИНГ: Huawei «Бир қадам олдинда»: Samsung’нинг «тешик» экранли смартфонларидан аввал Nova 4 чиқяпти! (+«жонли» суратлар)

Лекин бу иккаласидан ҳам аввал Lenovo «отни қамчилаб» қолган кўринади. Ушбу компаниянинг «тешик» экранли смартфони куни кеча «жонли» сурати билан фош этилган ҳамда расмий постери эълон қилинган эди. Энди эса ушбу Lenovo Z5S моделининг «жонли» видеосини ҳам чиқаришди! Мана, бирга томоша қиламиз:

Шунингдек, мазкур смартфоннинг мана бу «жонли» расмлари ҳам интернетда тарқалди:

Хабарларга кўра, Lenovo Z5S диагонали 6,3 дюймлик дисплейга, уч модулли бош камерага ва 3210 мА/соатлик батареяга эга. Бундан ташқари, унда Qualcomm компаниясининг ўрта нархли янги чипи – Snapdragon 675 процессори қўлланади. Бу чипсет 2.0 ГГц такт частотасида ишловчи иккита бақувват Kryo 460 (Cortex-A76) ядросини ҳамда 1.8 ГГц частотали олтита Kryo 460 (Cortex-A55) ядросини, шунингдек Adreno 612 видеочипини ўз ичига олади.

ЎҚИНГ: Samsung’нинг «орқасидан пичоқ уришди»: «миллий бойлик»ни хитойликларга сотган тўққиз кишига жиноий иш очилди!