Huawei бирйўла Samsung ва Apple’ни масхаралади
Куни кеча Apple ҳамда Samsung компаниялари Италияда жаримага тортилган эди. Сабаби – улар эски моделлардаги смартфонларининг ишлашини дастурий таъминот орқали атайин секинлаштиришганидир.
ЎҚИНГ: iPhone’ларни атай секинлаштиргани сабабли Apple’ни судга беришди
Жадал ривожланиб келаётган яна бир техногигант, бу икки компаниянинг асосий рақиби бўлган Huawei эса фурсатдан фойдаланиб қолди. У ўз смартфонларини ҳеч қачон секинлаштирмаслигини эълон қилиб, бу билан иккала рақиби устидан кулди.
Компания шу мазмундаги постини расмий Twitter-аккаунти орқали эълон қилган:
We would never slow our phones down to force an upgrade. We're proud our new #HuaweiMate20Pro is #BornFastStaysFast - just like every other phone in our range. #NeverSlowDown Learn more now > https://t.co/Fn1ADt5VBW pic.twitter.com/AJihfosqAM
— Huawei Mobile UK (@HuaweiMobileUK) 25 октября 2018 г.
Шунингдек, хитойлик ишлаб чиқарувчи ўзининг янги Mate 20 Pro флагмани билан фахрланишини ҳам қистириб ўтган. Huawei ушбу троллинг-постида «Born fast, stays fast», яъни – «Тезкор бўлиб туғилган, тезкорлигича қолади» слоганини қўллаган.
ЎҚИНГ: Huawei яна Apple’ни калака қиляпти: iPhone харидорларига 60 долларлик повербанкларни текинга улашди!