iPhone ва iPad’ларнинг қайсилари iOS 13’гача янгиланади, қайсилари – йўқ?

Apple ўтган йили iOS 12 операцион тизимини тақдим этганида, ўша пайтгача iOS 11 талқинида ишлаб келаётган барча қурилмалар учун янгиланиш имкони берилган эди. Аммо iOS 13 версиясини қабул қилиш учун қатъийроқ талаблар қўйилмоқда.

ЎҚИНГ: Интернетда аллақачон iOS 13 тизимли қурилмалар кўпроқ «қўлга тушмоқда»

iPhonesoft ресурси эълон қилган маълумотга кўра, 2014 йили тақдим этилган Apple смартфонлари ҳамда сўнгги ихчам айфонлар iOS 13 операцион тизим талқинигача янгиланмайди. Булар эса қуйидаги моделлардир:

1. iPhone 5s
2. iPhone SE
3. iPhone 6
4. iPhone 6 Plus

Apple планшетларидан эса иккитаси – iPad mini 2 ҳамда оригинал iPad Air янги версиядаги операцион тизимдан бебаҳра қолади.

ЎҚИНГ: AnTuTu рейтинги (2019 йил апрель): ғолиб – бултурги iPad Pro, энг зўр iPhone эса – атиги бешинчи ўринда!

Шундай қилиб, iOS 13 талқинигача янгиланувчи айфон ҳамда айпадлар рўйхати қуйидагича:

1. 2019 йили чиқадиган iPhone XI, iPhone XI Max ҳамда iPhone XR2
2. iPhone XS Max
3. iPhone XS
4. iPhone XR
5. iPhone X
6. iPhone 8 Plus
7. iPhone 8
8. iPhone 7 Plus
9. iPhone 7
10. iPhone 6S
11. iPhone 6S Plus
12. iPad Pro 12.9 (2016 ва 2017 йилгилари)
13. iPad Pro 10.5
14. iPad Pro 9.7
15. iPad Pro 11 (2018)
16. iPad Air 2
17. iPad Air 3
18. iPad 5
19. iPad 6
20. iPad Mini 4
21. iPad Mini 3

Купертинолик корпорация iOS 13 тизим талқинини дастурчиларга мўлжалланган WWDC 2019 конференцияси (Apple Worldwide Developers Conference) доирасида – 3 июнда тақдим этиши кутилмоқда. Унинг аллақачон бозорга чиққан смартфонлари ва планшетларини эса Terashop.uz интернет-дўконимиздан сотиб олиш мумкин.

ЎҚИНГ: Бешта моделдаги айфон тугатилиб, iPhone 7 ва iPhone 8’лар арзонлашяпти