«ЖОНЛИ» ВИДЕО: Redmi K30’ни илк бор қадоғидан олиб ишлатиб кўрамиз!

Кечагина тақдим этилган Redmi K30 русумли 5G-флагман ҳамда унинг 4G-версияси жаҳон аҳлининг эътиборида турибди. Интернетда унинг сифатли олинган биринчи «жонли» суратлари тарқалган.

ЎҚИНГ: Redmi K30’нинг чирангани AnTuTu тестигача экан! (+«жонли» суратлар)

Жумладан, намойиш кунининг ўзидаёқ Redmi K30 смартфонини қадоғидан олиб, ишлатиб кўрсатишди. Жамланмасида 27 ваттлик қувватлаш ускунаси мавжудлигига қараганда, бу – қурилманинг 4G-версиясидир. Унинг бешинчи авлод уяли алоқа тармоғида ишлайдиган версияси эса бошқа процессорга ҳамда 30 ваттлик қувватлаш технологиясига эга, шунингдек, камерасининг иккинчи модули кучлироқ.

Мана, Redmi K30 4G смартфонининг қадоғига, жамланмадаги аксессуарларига ва ўзига яхшилаб разм соламиз:

Смартфоннинг ўзи MIUI 11.0.2 график қобиғи остида ишлаяпти, лекин унинг айнан қайси Android версияси устига қурилгани номаълум.

5G-версиядаги Redmi K30 смартфонининг бошланғич – 6/64 гигабайтлик тезкор/ички хотирага эга варианти атиги 285 долларга нархланган; энг қиммати – 8/256 гигабайтлиги 410 доллар туради. 4G-версиядаги Redmi K30 эса янада арзон – 6/64 гигабайтлиги бор-йўғи 225 доллар, 8/256 гигабайтлиги эса 310 доллар.

ЎҚИНГ: Иккита нарх тоифасидаги энг кучли смартфонлар (AnTuTu рейтинги, 2019 йил ноябрь)