Redmi тўққизинчи авлод энг арзон смартфонини эртагаёқ тақдим этади

«Хитойча Apple»нинг бу йилги энг арзон смартфони – Redmi 9A ҳам тайёр эканлиги ҳақида ёзганмиз. Сўнгги хабарларга қараганда, уни эртага – 24 июнь куни, хитойча версиядаги Redmi 9 билан бирга намойиш қилишади.

ЎҚИНГ: Redmi 9’га аллақачон расман буюртма бериш мумкин, нархи энди «жойига тушди»!

Аввалроқ Redmi 9A моделининг хусусиятлари маълум бўлган эди – Xiaomi уни MediaTek Helio G35 процессори базасида тайёрлаган. Смартфоннинг IPS матрицали экрани диагоналига 6,53 дюймлик ўлчамга ҳамда HD+ форматидаги тасвир аниқлигига эга.

Redmi 9A аккумуляторининг ток сиғими 5000 мА/соатлик бўлиши, тезкор/ички хотираси эса тегишлича 3/32 гигабайтлик эканлиги айтилмоқда. Камера борасида эса у Redmi 9’га нисбатан анча ғариб: 13 мегапикселлик асосий ва 5 мегапикселлик олд камералар. Лекин компания уни 3,5 миллиметрлик аудиотирқиш, замонавий USB-C ҳамда инфрақизил портлари билан таъминлаяпти.

Redmi 9 моделининг бошланғич версияси Европада 150 евро туради, Redmi 9A нархи эса 100–120 евродан бошланиши кутилмоқда. Бироқ эртангги тадбирда намойиш этиладиган хитойча Redmi 9 модели глобал версиядан жиддий фарқ қилиши ҳақида ёзганмиз.

ЎҚИНГ: Глобал прошивка, Глобал версия ва Хитой версия. Буларнинг фарқи нимада?