Telegram Desktop ҳам 1.3.13 талқинигача янгиланди!

«Яшил роботчали» мобил қурилмалар учун тақдим этилган Telegram иловасининг янгилангани ҳақида яқиндагина хабар берган эдик. Оммабоп мессенжернинг компьютерлар ва ноутбукларда қўллаш учун чиқарилган Telegram Desktop дастури ҳам барқарор 1.3.13 версиясида тақдим этилди.

ЎҚИНГ: Telegram’нинг Android-иловаси 4.9.1 талқинда: янги имкониятлар билан танишинг!

1.3.13 талқинидаги Telegram Desktop клиентида қуйидаги ўзгаришларни санаб ўтиш мумкин:

1. Интерфейснинг тунги мавзуси қўшилган.
2. Дастурни ўрнатишда унинг кундузги ёки тунги мавзусидан бирини танлаш мумкин.
3. Алоҳида чатлардан маълумотларни экспорт қилиш имкони қўшилган.
4. Telegram Passport 1.1 талқини билан маълумотлар ҳимояси янада мустаҳкамланган.
5. Овозли қўнғироқларни амалга оширишда қўлланувчи libtgvoip кутубхонаси 2.2.2 талқинигача янгиланган.
6. Турли тузатиш ва яхшилаш ишлари амалга оширилган.

Telegram Desktop’ни мессенжернинг расмий сайтидан мана бу ҳавола орқали юклаб олиб ўрнатиш мумкин. Агарда олдиндан уни ишлатаётган бўлсангиз – янгилаб кўринг.

ЎҚИНГ: Ucell абонентлари учун махсус Telegram-бот: энди сизга USSD-кодлар ва қисқа рақамлар керак бўлмайди!