«Хитойча Apple» ҳам ҳақиқий iPhone’лар нархларидаги ўз XR, XS ва XS Max’ларини савдога чиқарди!
12 сентябрдаги тадбирида купертинолик корпорация iPhone XS, ХS Max ва iPhone Хr смартфонларини намойиш этганди. Шундан сўнг Xiaomi компанияси флагман айфоннинг уч карра арзон клонини кўрсатган.
ЎҚИНГ: iPhone Xs тақдимотидан кейиноқ Xiaomi унинг нақ уч баравар арзон клонини намойиш этди!
Xiaomi бу билан ҳам чекланиб қолмади: Хитойдаги ўзининг онлайн дўконида айнан бу йилги айфон моделларига мос номлардаги – XR suite, XS suite ҳамда XS Max set тўпламларини сотувга қўйди. Уларнинг нафақат номлари, балки нархлари ҳам iPhone XR, XS ва XS Max нархлари билан айнан бир хил!
Фарқи шундаки, «хитойча Apple» бу нархга фақат смартфоннинг ўзинигина эмас, балки бир неча гаджетлар тўпламини сотаётир.
Жумладан, энг арзон – XR suite тўпламининг қиймати 947 долларни ташкил этади; айтиш керакки, Apple ҳам ўзининг iPhone XR моделига Хитойда айнан шунча нарх белгилаган. Xiaomi’нинг мазкур тўпламига 6/128 ГБ хотирали Mi 8 SE смартфони, Mi Band 3 смарт-браслети, ноутбук 12,5 дюймлик, 4/256 ГБ хотирали Mi Notebook Air ноутбуки ҳамда Mi Bluetooth Headset Mini гарнитураси киритилган.
1268 долларлик XS Suite жамланмасида эса 8/256 ГБ.лик Mi MIX 2S смартфони, Mi Band 3 «ақлли» билагузуги, 13,3 дюймлик Mi Notebook Air ноутбуки ва Mi Bluetooth Headset Mini гарнитураси мавжуд.
Энг қиммат – 1398 долларлик XS Max тўплами бўлса 6/128 ГБ.лик Mi 8 флагмани, Mi Notebook Pro ноутбуки, Mi Bluetooth Collar Headset гарнитураси ҳамда Mi Band 3 смарт-билагузугини ўз ичига олган.
Айтиш керакки, ушбу учала тўпламдаги маҳсулотлар ҳам алоҳида-алоҳида олганда қимматга тушган бўларди. Афсуски, XR suite, XS suite ҳамда XS Max set тўпламлари фақат Хитойдаги харидорлар учунгина амал қилади.
Ўзбекистонда эса «хитойча Apple»нинг бир қатор гаджетларини тегишли кафолати билан Terashop.uz интернет-дўконидан олиш имкони мавжуд. Жумладан, яқинда тақдим этилган «Тезкорлик устаси» – Pocophone F1 ҳамёнбоп флагманини ҳам ушбу дўконимиздан расмий кафолати билан онлайн харид қилишингиз мумкин.
