50 карра зумли энг арзон смартфонда 20 км.дан расмга олиб кўрсатишди! («жонли» видео + тўлиқ нархлари)
Xiaomi корпорацияси кейинги ҳафтада MIUI 12 график қобиғи билан бирга Mi 10 Youth Edition русумли смартфонини намойиш қилади. Куни кеча биз ушбу камерофоннинг 15 километр узоқликдан расмга олиш акс этган «жонли» видеони улашган эдик.
ЎҚИНГ: MIUI 12 тақдимот куниёқ тарқатила бошлайди: дастлаб янгиланувчи смартфонлар рўйхати чиқди!
Компания бу билан чекланиб қолмасдан, Xiaomi Mi 10 Youth Edition камерасида салкам 20 километрдаги тасвирни яқинлаштириб ҳам кўрсатди.
#Xiaomi #Mi10Youth #mi10youthedition
— Xiaomishka (@xiaomishka) April 24, 2020
New zoom test. Now the distance is 19.7 km 😀 pic.twitter.com/vtXCnl8BVY
Ушбу роликда Xiaomi Mi 10 Youth Edition камерасининг 50 карралик гибрид зум имкониятлари акс эттирилган.
ЎҚИНГ: Xiaomi ёки Redmi смартфонингизга MIUI 12 келишини ҳозироқ текширишингиз мумкин!
Танилган инсайдер Ишан Агарвал (Ishan Agarwal) мазкур камерофоннинг нархларини ҳам эълон қилди. Унга кўра, Mi 10 Youth Edition модели 5 карралик оптик ва 50 карралик гибрид зумга эга бўлган дунёдаги энг арзон смартфондир!
Xiaomi ушбу девайсининг бошланғич конфигурациядаги – 6 ГБ тезкор ва 64 ГБ ички хотирали вариантини атиги 325 доллардан сотмоқчи. Унинг 6/128 гигабайтлиги учун 355 доллар, 8/128 гигабайтлиги учун 380 доллар, 8/256 гигабайтлиги учун эса 425 доллар сўрашади.
Сўнгги маълумотларга кўра, Xiaomi Mi 10 Youth Edition моделида стандарт қулоқчин тирқиши сақланиб қолишидан ташқари, NFC модули ҳамда инфрақизил порт ҳам бор. Унинг аккумуляторини компания 4160 мА/соатлик, деб расман айтмоқда, аммо TENAA маълумотлар базасида 4060 мА/соатлик дейилган.
Дарвоқе, Xiaomi Mi 10 Youth Edition тақдимотидан уч кун ўтибоқ компания нархи атиги 140 доллардан бошланувчи, глобал бозорга мўлжалланган яна бир смартфон намойиш этади.
ЎҚИНГ: Redmi K40’нинг илк сурати, хусусиятлари, нархи ва тақдимот куни!
