Геймерлар учун ҳамёнбоп 5G-смартфон – 144 Гц экранли Nubia Play чиқди!

DiMaX
789
22.04.2020 13:22

ZTE корпорациясининг суббренди Nubia Red Magic 5G геймерофонини яқиндагина намойиш қилган. Жорий йилнинг илк чорагида у Master Lu бенчмарки рейтингида етакчилик қилмоқда.

ЎҚИНГ: AnTuTu’да барча флагманларни «ер тишлатган» янги рекордчи чиқяпти!

Nubia Red Magic 5G флагмани экранидаги кадр янгиланиш частотаси 144 герц бўлган дунёдаги илк смартфон ҳисобанади. Компания кеча – 21 апрель куни худди шундай хусусиятга эга навбатдаги ўйинбоп модели – Nubia Play (ёки Nubia Play 5G) қурилмасини тақдим этди.

Nubia Play моделининг кўп жиҳатлари флагманча, масалан, унда ҳам айнан ўша Nubia Red Magic 5G моделидаги экран қўлланган. AMOLED матрицали дисплей диагоналига 6,65 дюймлик бўлиб, Full HD+ форматидаги (2340х1080 пикселлик) тасвир аниқлигига эга. Унда ҳам кадрнинг янгиланиш частотаси 144 герцга, дискретизация частотаси эса 240 герцга тенг. Натижада тасвир равон алмашади ва тегинишда тезкор реакция беради – ўйин жараёнида булар жуда муҳим.

Янги девайснинг бармоқ изи сканери экранга жорий этилган, олд камера эса дисплейнинг тепасидаги ромга ўрнатилган.

ЎҚИНГ: Бирйўла 13 та йўналишда рекордчи янги смартфонни биласизми?

Nubia Play корпусининг қирраларида ўйин жараёнини бошқариш учун сенсорли триггерлар ўрнатилган.

Янги геймерофоннинг флагманлардан асосий фарқи – унинг «электрон юраги» сифатида ўртача хусусиятли Snapdragon 765G процессори танланганидир. Лекин бешинчи авлод уяли алоқа тармоғини қўллаши учун унга Snapdragon X52 5G модеми ҳам ўрнатилган. Nubia Play қизиб кетмаслиги учун суюқлик билан ишловчи ICE2.5 совитиш тизими жорий этилган. Ўйинларга қувват кўп талаб этилишини инобатга олиб, унга 5100 мА/соатлик аккумулятор ўрнатишган ва 30 ваттлик тезкор қувватлаш технологияси билан таъминлашган.

ЎҚИНГ: Бу рекордчи флагман атиги 15 дақиқадаёқ тўлиқ қувватланиб улгуради!

Nubia Play бош камераси тўртталик: 48 МПлик Sony IMX582 сенсори (f/1.75) + 8 МПлик кенг бурчакли (120 даражали) + 2 МПлик макрообъектив + 2 МПлик чуқурлик датчиги. Селфилар учун 12 мегапикселлик якка камера ўрнатилган.

ZTE бу моделини 6/8 гигабайтлик LPDDR4X тоифали тезкор ҳамда, 128/256 гигабайтлик доимий хотира чиплари билан таъминлаган. Замонавий USB Type-C портига ҳамда NFC модулига эга бўлган геймерофон Android 10 базасидаги Nubia UI 8 график қобиғи билан ишлайди.