Ҳали тақдим этилмаган LG G7 флагманининг видеоси чиқди
Concept Creator номли YouTube-канал ҳали намойиш этилмаган LG G7 смартфонининг норасмий маълумотлар асосида яратилган видеоконцептини эълон қилди.
Ушбу видеолавҳада LG G7’нинг турли қисмлари ва хусусиятларини ҳар томонлама томоша қилиш имкони мавжуд:
Навбатдаги флагманнинг дисплейи унинг корпуси олд панелининг 90 фоизини эгаллайди. Экраннинг тепа ва пастки қисмларида бақувват динамиклар жойлашади.
LG G7 стандарт 3,5 миллиметрлик аудиотирқишга ҳам, тренддаги USB Type-C портига ҳам эга бўлади. Корпуснинг орқа панелида эса ёнма-ён жойлашган қўш объективли камера ва бармоқ изи сканери жой олган.
ЎҚИНГ: Galaxy S9, Xiaomi Mi7 ва LG G7 флагманларини нима боғлаб туради?
Шу пайтгача тарқалган гап-сўзларга қараганда, LG G7 моделига 8 ядроли илғор Qualcomm Snapdragon 845 процессори қўйилади. У Adreno 630 график тезлатгичига ҳамда яп-янги LTE X20 модемига ҳам эга.
Мазкур флагманнинг тақдимоти келгуси йилнинг биринчи чорагида бўлиб ўтиши кутилмоқда. Унинг нархи борасида ҳозирча маълумотлар йўқ.