Huawei смартфонлари Facebook, Messenger, Instagram ва WhatsApp иловаларидан ҳам маҳрум этилди!
АҚШ ҳукуматининг санкциялари сабабли кўплаб компаниялар хитойлик техногигант билан ҳамкорликни тўхтатди. Гарчи смартфонлари Android тизимидан, ўзининг Kirin процессорларидан, хотира чипларидан ажраладиган бўлиб турган эса-да, Huawei бу муаммоларни аввалдан пайқаган ва чораларини кўриб қўйган.
ЎҚИНГ: Android рақиби – Ark OS (ёки HongMeng) тизимли Huawei Mate 30 флагманлари 22 сентябрдаёқ чиқади!
Reuters ахборот агентлигининг хабар беришича, АҚШнинг санкцияларига энди Facebook ҳам қўшилди. Марк Цукербергнинг компанияси Huawei’га ўзининг янги смартфон ва планшетларини Facebook билан боғлиқ иловалар олдиндан ўрнатилган ҳолда чиқаришини тақиқлади.
Яъни, ушбу тақиқ Facebook, Facebook Messenger, Instagram ва WhatsApp иловалари учун амал қилади. Бироқ мазкур дастурлар шу пайтгача ўрнатилган Huawei девайсларида улар аввалгидек ишлашда ва янгиланишда давом этаверади.
Айтиб ўтиш керакки, Facebook компаниясининг «қаҳри» Google’никидан «қаттиқроқ» бўлиб чиқди. Қидирув гигантининг сервисларини ҳамда Play Store иловалар дўконини сертификациядан ўтган барча Huawei қурилмаларига фойдаланувчиларнинг ўзлари ўрнатишлари мумкин. Facebook иловаларини эса хитойлик техногигантнинг гаджетларига энди умуман ўрнатиб бўлмайди.
ЎҚИНГ: Huawei смартфонларига ўрнатилувчи Hongmeng (ёки Ark OS) операцион тизимининг илк скриншотлари!
