«Катта иблис»нинг глобал талқини – Xiaomi Mi 9T илк «жонли» суратларда!
Xiaomi компанияси яқиндагина энг кучли Snapdragon 855 процессори базасидаги энг арзон смартфон – Redmi K20 Pro ҳамда унинг Snapdragon 730 чипли версияси – Redmi K20 моделларини тақдим этди. Энди эса уларнинг жаҳон бозорига чиқиши масаласи барчани қизиқтирмоқда.
ЎҚИНГ: Redmi K20 ҳамда Redmi K20 Pro смартфонлари глобал бозорга бошқа номлар билан чиқади (+суратлар)
Асосий датчиги 48 мегапикселлик уч модулли бош камерага ҳамда корпуснинг ичидан чиқувчи селфи-камерага эга смартфоннинг глобал бозорга чиқадиган версияси номи борасида турли вариантлар айтилган эди. Энди эса SalimBaba никли инсайдер бунга аниқлик киритувчи «жонли» расмларни Facebook ижтимоий тармоғида эълон қилди.
Шундай қилиб, Redmi K20 смартфонларининг яқин орада тақдим этиладиган глобал версияси Xiaomi Mi 9T деб номланмоқда:
Смартфоннинг экранига ёпиштирилган ҳимоя плёнкасида унинг асосий техник хусусиятлари акс эттирилган. Бироқ смартфоннинг ўзи ҳам, ёнидаги қутида ҳам унинг фақат олд юзаси акс этган, яъни орқа панели қанақа экани ҳозирча номаълум.
ЎҚИНГ: Xiaomi яна битта смартфон тақдим этяпти: орқасидан – Mi 9, олдидан – Redmi K20!
Ушбу гаджетнинг қадоғи акс этган яна бир «жонли» сурат эса Weibo ижтимоий тармоғида тарқатилган. Қутида ушбу смартфоннинг ранги «кўмирсимон қора» – Carbon Black деб кўрсатилган, Redmi K20 эса кўк ва қизил рангларда тақдим этилган эди:
Демак, Xiaomi Mi 9T корпуси рангларига кўра ҳам хитойча флагмандан фарқ қилади.
ЎҚИНГ: Redmi K20 Pro: «катта иблис» Geekbench’да ҳам ўз кучини кўрсатди!
Қутининг пастки томонидаги ёзувлар Xiaomi Mi 9T асосий хусусиятларини тасдиқламоқда. Яъни, унинг дактилоскопи диагоналига 6,39 дюймлик, Full HD+ форматидаги AMOLED-дисплейга ўрнатилган. Аккумулятори 4000 мА/соатлик бўлиб, тезкор қувватлана олади:
Булардан ташқари, Xiaomi Mi 9T техник таъминоти ҳам Redmi K20 билан айнан бир хил – Qualcomm Snapdragon 730 процессори, 6/64 ГБлик тезкор/ички хотира. Демак, унинг Snapdragon 855 чипли Xiaomi Mi 9T Pro версияси ҳам бўлади.
Дарвоқе, инсайдерлар Redmi K20 флагманларининг Ҳиндистонда бошқачароқ – Pocophone F2 ҳамда Pocophone F2 Pro моделлари сифатида тақдим этилишини ҳам айтишмоқда.
ЎҚИНГ: Xiaomi арзон Redmi 7A смартфонини расман намойиш этди
