РАСМАН: Xiaomi глобал MIUI 10 бета-талқини тарқатилиш жадвалини эълон қилди
Хитойлик корпорация бундан бир ойча аввал Хитой бозори учун чиқарилган смартфонларига MIUI 10 прошивкасининг альфа-версиясини чиқарган эди. Биз шунинг асосида тайёрланган норасмий глобал прошивкани олиш ва ўрнатиш усули ҳақида маълумот берганмиз.
ЎҚИНГ: Xiaomi смартфонларига ҳали расман юборилмаган глобал MIUI 10 прошивкасини ҳозироқ ўрнатиш мумкин!
Энди эса «хитойча Apple» глобал MIUI 10 прошивкасининг бета-талқини қайси қурилмаларига қачон етказилишини эълон қилди. Одатдагидек, Xiaomi’нинг турли моделлардаги мобил девайсларига янги дастурий таъминот босқичма-босқич тарқатилади.
Жумладан, июлнинг бошида дунё бўйича қуйидаги гаджетлар эгалари глобал MIUI 10 бета-талқинини синаб кўришлари мумкин бўлади:
- Xiaomi Mi 6;
- Xiaomi Mi 5;
- Xiaomi Mi Mix 2;
- Xiaomi Mi Mix 2S;
- Xiaomi Mi Mix;
- Xiaomi Redmi S2;
- Xiaomi Redmi Note 5 Pro;
- Xiaomi Redmi Note 5;
- Xiaomi Mi Note 2.
ЎҚИНГ: ЭКСКЛЮЗИВ: Мутлақо ромсиз Xiaomi Mi Mix 3’ни илк «жонли» суратда кўрамиз! (+видео)
Иккинчи босқичда – июль ойи охирларида эса янги прошивка мана бу моделларга узатилади:
- Xiaomi Redmi Note 4X, Xiaomi Redmi Note 4 (Qualcomm процессорли);
- Xiaomi Redmi Note 5A;
- Xiaomi Redmi Note 5A Prime;
- Xiaomi Mi 5S;
- Xiaomi Mi 5S Plus;
- Xiaomi Mi Max 2;
- Xiaomi Mi Max;
- Xiaomi Mi Max Prime;
- Xiaomi Redmi 5;
- Xiaomi Redmi 5A;
- Xiaomi Redmi 5 Plus;
- Xiaomi Redmi 4A;
- Xiaomi Redmi 4X.
Август бошида эса қуйидаги қурилмалар учун MIUI 10 тарқатилади:
- Xiaomi Mi 3 / Mi 4;
- Xiaomi Redmi Note 3 (Qualcomm процессорли);
- Xiaomi Redmi 3S / 3X.
Таъкидлаш керакки, MIUI 10 ўрнатилиши учун дастлаб смартфондаги юкловчини блокировкадан чиқариш керак бўлади. Агарда сизда аллақачон MIUI 9 бета-талқини ўрнатилган бўлса, янги прошивкани смартфон созламалари орқали «ҳаводан» юклаб олишингиз мумкин.
ЁДДА ТУТИНГ: MIUI 10’ни ўрнатиш – смартфонингизни тўлиқ қайтадан прошивка қилиш, деганидир. Мазкур операция бирмунча мураккаброқ бўлиб, тажрибасиз фойдаланувчиларга қийинчилик туғдириши мумкин. Агарда бу борада тажрибангиз бўлмаса, устасига мурожаат этганингиз ёки прошивканинг якуний талқини чиқишини кутганингиз маъқул.
