РАСМАН: Xiaomi Mi 9T ва Mi 9T Pro кейинги ҳафтадаёқ чиқяпти, лекин улар Redmi K20 ва K20 Pro каби арзон эмас!

Xiaomi компанияси ҳамёнбоп смартфонлар чиқарувчи брендининг Redmi K20 ҳамда Redmi K20 Pro флагманлари тақдимотидан аввал ҳам жаҳон жамоатчилигида катта қизиқиш уйғотган эди. Булардан иккинчиси Хитойнинг ўзида аллақачон рекорд ўрнатган, энди эса улар бошқа ном остида глобал бозорга юриш бошламоқда.

ЎҚИНГ: «Катта иблис»нинг глобал талқини – Xiaomi Mi 9T илк «жонли» суратларда!

Xiaomi компанияси Twitter тармоғидаги расмий саҳифасида Mi 9T ҳамда Mi 9T Pro тақдимот кунини эълон қилди. Тизерга кўра, ушбу смартфонларни 12 июнда намойиш этишади.

Гарчи булар – Redmi K20 ва Redmi K20 Pro смартфонларининг глобал версияси бўлса-да, дизайнида улардан озроқ фарқланиши мумкин. Чунки Mi 9T ва Mi 9T Pro моделларининг «жонли» расмларда уларнинг орқа томони ҳозиргача кўрсатилмаган. Аввалроқ чиққан бир маълумотга кўра эса...

ЎҚИНГ: Xiaomi яна битта смартфон тақдим этяпти: орқасидан – Mi 9, олдидан – Redmi K20!

Бироқ Mi 9T ва Mi 9T Pro смартфонлари Redmi K20 ва Redmi K20 Pro клонлари бўлса-да, уларнинг хотира вариантларида ва нархларида ҳам фарқлар бор экан. Ҳиндистонлик инсайдер Мукул Шарма (Mukul Sharma) эълон қилган суратлар шундан далолат бермоқда:

Кўриб турганингиздек, Redmi K20 тезкор ва доимий хотира ҳажмига қараб нақ тўққиз хил вариантда таклиф этилади. Xiaomi Mi 9T модели эса фақат бир хил – тезкор/ички хотираси 6/128 гигабайтлик талқинда чиқарилади:

Бундан ташқари, глобал смартфон Xiaomi брендига мансублиги учунми, ўзининг Redmi туркумидаги клонидан нақ 30 долларга қиммат экан!

Буларнинг барига ҳали кейинги ҳафтада (балки ундан ҳам олдинроқ) аниқлик киритилади, бу борадаги янгиликларни Terabayt.uz билан бирга кузатиб боринг. Аллақачон сотувга чиққан айрим русумлардаги Xiaomi телефонларини эса 590 000 сўмдан бошланувчи нархларда Terashop.uz интернет-дўконимиздан харид қилиш мумкин.

ЎҚИНГ: Xiaomi олд камераси экран остига яширилган дунёдаги илк смартфонни «жонли» видеода ишлатиб кўрсатди!