Huawei P40 Pro’ning beshta kamera moduli bilan batafsil tanishamiz
Xitoylik texnogigantning Huawei P40 flagmanlari taqdimotiga bir nechta kun qoldi. Internetda esa ularning ayrim texnik xususiyatlari borasida ma’lumotlar tarqalmoqda.
O‘QING: Huawei atigi 30 daqiqada 70% quvvatlanuvchi hamyonbop flagman namoyish etdi!
Jumladan, kuni kecha Teme nikli insayder ushbu turkumning eng kattasi – Huawei P40 Pro kamerasi borasidagi batafsil axborotlarni ulashdi. Avval ham aytilganidek, uning bosh kamerasi beshta sensorni o‘z ichiga oladi.
Let's play some numbers
— Teme (特米) (@RODENT950) March 6, 2020
IMX700 52mp (Hexadeca Bayer) RYYB 1/1.28"
IMX650 40mp ultra wide Cine RGGB 1/1.5"
3x optical tele zoom
10x optical dual prism periscope zoom with 2P1G lenses
Time of flight sensor
LED light
Color temperature sensor
microphone#HuaweiP40Pro pic.twitter.com/hUTDjob5Qs
Insayderga ko‘ra, Huawei P40 Pro bosh kamerasida asosiy modul sifatida 52 megapiksellik aniqlikdagi va 1/1.28” o‘lchamli Sony IMX700 Hexadeca Bayer RYYB sensori qo‘llanadi. Ikkinchi datchik 40 megapiksellik va 1/1.5” o‘lchamli Sony IMX650 bo‘lib, u keng burchakli ob’yektivga ega. Keyingisi 3 karralik optik zumga ega teleob’yektiv bo‘lsa, to‘rtinchisi 10 karralik optik zumli hamda 2P1G linzali periskop kameradir. Beshinchisi – sahna chuqurligini uch o‘lchamli usulda o‘lchaydigan ToF sensori bo‘lib, kamera blogida bulardan tagqari yana rangli harorat datchigi va LED-chaqnoq ham joylashgan.
Huawei P40 Pro diagonaliga 6,5 dyuymlik OLED-ekranga ega bo‘lib, bu displey 2K formatida kontent uzata oladi va kadr yangilanishi 120 gersga teng. Xitoylik texnogigant unga o‘zining Kirin 990 5G protsessorini o‘rnatadi; 5500 mA/soatlik akkumulyator 50 vattlik texnologiya bo‘yicha tezkor quvvat oladi. Smartfon Android 10 bazasida tayyorlangan EMUI 10 grafik qobig‘i bilan chiqadi, lekin unda Google servislari bo‘lmaydi.
O‘QING: Google cho‘chib qoldi: u AQSh hukumatidan Huawei uchun afv so‘rayapti!