iOS uchun Telegram X ilovasi yangilandi: vCard, «3D touch» va boshqa imkoniyatlar!
Ommabop messenjerning rasmiy muqobil kliyenti – Telegram X ilovasi ham takomillashishda davom etmoqda. Ushbu dastur iOS tizimi uchun 5.0.5 versiyasida taqdim etildi.
O‘QING: Telegram X’ning oddiy Telegram’dan farqi nimalarda?
Yangilangan Telegram X ilovasida Apple mobil qurilmalari ishqibozlari uchun quyidagi yangi imkoniyatlar joriy etilgan:
- Ommaviy guruhlar/kanallardagi xabarga eltuvchi havolani nusxalab olish mumkin.
- Fayllarning yuklanishini ko‘rsatuvchi indikator yangilangan.
- Tungi mavzu avtomatik yoqiladigan bo‘lgan.
- Endi kunduzgi mavzuning muqobillarini tanlash, shuningdek matn hajmini o‘zgartirish mumkin.
- Ilova endi vCard ma’lumotlarini qo‘llab-quvvatlaydi.
- Chatlar bilan bog‘liq harakatlarda animatsiya yangilangan.
- Audio- va videoxabarlarning ijro etilishini tezlashtirish mumkin.
O‘QING: Telegram’dagi barcha yozishmalaringiz va fayllaringizni ko‘chirib olish yo‘li bor!
- Belgichaga bosishda «3D touch» amal qiladi.
- «Chat» belgichasiga bosganda endi dialoglar ro‘yxatining boshiga o‘tasiz.
- Istalgan bot, guruh, kanal yoki hatto alohida xabar yuzasidan ma’muriyatga shikoyat yo‘llash mumkin.
- Sozlamalardan emodzi bo‘yicha stikerlarni taklif etishni sozlasangiz bo‘ladi.
- Katta (a’zolar soni 10 kishidan oshiq bo‘lgan) superguruhlarda guruh stikerlarini qo‘shish mumkin.
- Maxfiylik ma’lumotlari sozlamalari yangilangan.
- Debag menyuda yangi sozlamalar: so‘nggi logni yuborish, ishoralarni tozalash kabilar qo‘shilgan.
Yuqoridagi imkoniyatlardan bahramand bo‘lish uchun iPhone va iPad sohiblari Telegram X ilovasini mana bu havola orqali App Store’dan o‘rnatib (yoki yangilab) olishlari mumkin.
O‘QING: Telegram’da notanish kontaktlar paydo bo‘lyaptimi? Bartaraf etamiz!