PS4 hamda PS5 egalari eng ko‘p yuklab olayotgan o‘yinlar ikkita reytingda
O‘tgan oyda biz Engadget nashriga ko‘ra PlayStation 5 hamda uning «raqamli versiyasi» – PlayStation 5 Digital Edition uchun eng yaxshi o‘yinlar reytingini chiqargan edik. Endi esa Sony’ning o‘zi to‘rtinchi va beshinchi avlod konsollari egalari eng ko‘p yuklab olayotgan o‘yinlar ro‘yxatlarini e’lon qildi.
Hisobotga ko‘ra, AQSh va Kanadada ham, Yevropada ham PlayStation 5 egalari eng ko‘p sotib olayotgan o‘yin Resident Evil Village ekan.
Ko‘rib turganingizdek, PS5 reytingida kuchli uchlikka AQSh/Kanada hududida Returnal hamda MLB The Show 21 taytllari kirgan. Yevropada esa ikkinchi va uchinchi pog‘onalarni tegishlicha FIFA 21 hamda Returnal band etgan.
O‘QING: 2020 yilda PlayStation 4 va PlayStation 5’larga eng ko‘p yuklangan o‘yinlar
PlayStation 4 konsoliga eng ko‘p yuklab olinayotgan o‘yinlarga kelsak, Yevropada yetakchi yana o‘sha Resident Evil Village bo‘lyapti. Bu hududda kuchli uchlikka Minecraft va Rust Console Edition o‘yinlari kirgan.
AQSh/Kanadalik PS4 sohiblari uchun esa Rust Console Edition birinchi, Resident Evil Village esa ikkinchi o‘rinda. Okean ortidagi PlayStation 4 geymerlari orasida ommabop o‘yinlar reytingining kuchli uchligini Mass Effect: Legendary Edition yakunlab bergan.
O‘QING: Nihoyat, ko‘p maqtalgan rolli o‘yin Android uchun ham chiqyapti! (+video)