Rossiyalik o‘quvchilar robotlar olimpiadasida jahon rekordini o‘rnatishdi
Chelyabinsklik ikki o‘quvchi, aka-singil Mixail va Anfisa Makarovlar Tayvanda bo‘lib o‘tgan FIRA RoboWorld Cup robotlar musobaqasida ishtirok etishib, sovrinli o‘rinni qo‘lga kiritishdi. Ularning insonga o‘xshash robotlari og‘ir atletikada jahon rekordini o‘rnatdi.
Ushbu musobaqa doirasida robotlar haqiqiy olimpiadada sportchilar bajaradigan turli mashqlarni bajaradilar. Ko‘pkurash yakunlariga ko‘ra, rossiyalik maktab o‘quvchilari uchinchi o‘rinni egallashdi, ammo musobaqaning og‘ir atletika turida rekord ko‘rsatkichga ega bo‘ldilar.
O‘QING:Robotlar shahri paydo bo‘ladi
Robotlar uchun og‘ir atletika mashqlari shtangani boshi ustida dast ko‘targancha imkon qadar uzoqroq masofaga yurib borishdan iborat edi. Ushbu bellashuvda haqiqiy shtanga o‘rniga CD-disklaridan foydalanildi. Rossiyalik robot 104 ta diskni ko‘tara oldi.
O‘quvchilar Chelyabinsking «Killer» jamoasi tarkibiga kiradi. Mixail 12 yosh, Anfisa esa endi 10 yoshga kirdi. Mazkur xalqaro musobaqaga ishtirok etish uchun ular uch oy tayyorgarlik ko‘rdilar.
