Android uchun Telegram X yangilandi, o‘zgarishlar bilan tanishing!
Dastlab Apple qurilmalari uchun Telegram X, keyinroq esa Android-devayslar uchun Challegram ilovalari taqdim etilgan edi. Kuni kecha esa Challegram yangilanib, nomi ham «Telegram X»ga o‘zgarganidan xabaringiz bor.
O‘QING: Xushxabar: Android uchun ham Telegram X taqdim etildi!
Buni qarangki, Telegram X’ning o‘zi kabi, uning ishlab chiquvchilari ham tezkor ekan – darhol ilovaning yangi talqinini taqdim etishdi! Ayni damda mazkur messenjerning Android-kliyenti 0.20.4.749 versiyasigacha yangilangan.
Telegram X’ning mazkur talqinida quyidagi o‘zgarishlar amalga oshirilgan:
- To‘liq yuklanib ulgurmagan audiofayllarning ijro nuqtasini surish (peremotka) yaxshilangan.
- Joriy ovozli xabarda ham peremotka qilish mumkin.
- Ovozli xabarlarning tinglash indikatori qo‘shilgan.
- Chatdagi narsalarni ulashish davomida qidiruvda yuz beradigan kutilmagan uzilishlar bartaraf etilgan.
- Ayrim ssenariylarda loyihani saqlash to‘g‘rilangan.
- Original kliyentdagi kabi, emoji’larni qidirish funksiyasi qo‘shilgan: nomini yoza boshlashingiz bilan ilova sizga variantlarni taklif etadi.
- Birinchi ishga tushirish jarayoni yaxshilangan.
- Ko‘plab boshqa yaxshilashlar amalga oshirilgan.
O‘zining Android-gadjetida tezkor Telegram X messenjerini sinab ko‘rmoqchi bo‘lganlar uni o‘rnatish uchun, o‘rnatganlar esa yangilash uchun mana bu havola orqali Google Play katalogiga o‘tishlari mumkin.