iPhone X’da yana bir nuqson oshkor etildi
Apple texnikasining foydalanuvchilari o‘z iPhone X’dan asta-sekin ko‘ngli qolyapti. Chunki qurilma ichki xotirasini tasodifiy olingan skrinshotlar bilan to‘ldirib yuborayapti. Ayb shu ishlarni amalga oshirayotgan tugmalar kombinatsiyasida, deyiladi xabarda. Avvalgi iPhone suratni ekranga olishni bloklash va «Home» tugmalarini bir vaqtda bosib turish orqali amalga oshirardi. iPhone X’da esa bunday emas, shu bois endi foydalanuvchilarga bloklash tugmasini bosib, ovozni ko‘tarsa kifoya qiladi. Endi ma’lum bo‘lishicha, ushbu kombinatsiya tugmalarni tasodifiy bosib yuborishlarga juda ta’sirchan ekan.
O‘QING: Yangilaridan yaxshi 2 eski smartfon modeli
Natijada foydalanuvchilarga yaxshi ko‘rgan taomlari, mushukchalari hamda saqlangan memlarining fotosuratlari tasodifiy skrinshotlar ummonida yo‘qolib qolmasligi uchun har kuni rasmlarga ishlov berishga to‘g‘ri kelyapti. Tvitterdagi tez qidiruvda iPhone X foydalanuvchilarining ushbu muammodan shikoyatga to‘la son-sanoqsiz izohlari paydo bo‘ldi.
Foydalanuvchilarning biri qariyb, bir yarim ming marotaba skrinshot qilganini yozadi. Afsuski, ushbu muammoning yechimi yo‘qqa o‘xshaydi, deydi u. Bu muammo haqida Apple’ning forumida 2017 yil noyabrda yozilgan edi, biroq kompaniya hali ham ushbu masalaga izoh bergani yo‘q. Barcha umid endi iOS 12’dan. Uni kompaniya shu kunlari namoyish qilishi kutilmoqda. Darvoqe, test natijalariga ko‘ra , Apple Android’ni ikki yilga orqada qoldirmoqda, shu bois har qanday holatda ham iPhone X’ni xarid qilish o‘zini oqlaydi.