Xiaomi «яширин камерали» Mi Mix 4 флагманининг тақдимот кунини эълон қилди

2019 йил сентябрда намойиш этилган, алоҳида туркумдаги Xiaomi Mi Mix Alpha концептуал 5G-смартфонининг расман савдоси бошланмаган бўлса-да, уни аллақачон нақ 140 минг доллардан таклиф қилишяпти. «Хитойча Apple» эса энди ушбу туркумнинг навбатдаги вакили – Mi Mix 4 смартфонини тайёрламоқда.

ЎҚИНГ: Xiaomi ва Redmi смартфонларида энди «яширин камера технологияси» қўлланади

Биз аллақачон унинг экрани ёқиқ ҳолда ишлатиб кўрсатилган «жонли» видеосини ҳамда суратини эълон қилганмиз. Xiaomi ушбу қурилмасида ўзининг янги – «яширин камера» технологиясини қўллаши айтилган, бу – экраности селфи-камерадир.

Кеча – 2019 йилнинг 10 декабрида Redmi K30 русумли 5G-флагман ҳамда унинг 4G-версиясини тақдим этган Xiaomi бугун навбатдаги тизер-постерини эълон қилди. Унга кўра, йиллик CES 2020 кўргазмаси доирасида, 10 январь куни компания ўзининг янги инновацион смартфонини намойиш қилади:

Ушбу расмга синчиклаб назар солсангиз, унинг юқори қисмида билинар-билинмас қилиб ёзилган «MIX» сўзини пайқайсиз:

Демак, ўша куни кўрсатиладиган смартфон Mix туркумига мансуб; бу линейкада эса навбат Mi Mix 4 моделига келган. Ёзувнинг билинар-билинмас қилиб қўйилгани – олд камеранинг дисплейда билинмай туришига ишорадир.

ЎҚИНГ: Samsung компанияси 108 МПлик камера борасида Xiaomi’ни боплаган экан!