Атиги 128 долларга уч камерали, 6000mAh батареяли ва ўйинбоп процессорли смартфон чиқди!
Oppo компаниясининг арзончи суббренди яқинда 6000 мА/соатлик аккумуляторга эга Realme C15 смартфонини чиқарган эди. Компания шунақа «бели бақувват», лекин ундан ҳам арзон яна битта смартфон тақдим этди.
ЎҚИНГ: Энг арзон 5G-смартфонни Realme тайёрлади: «жонли» суратлари ва техник жиҳатлари
Янги смартфон Realme C12 номини олган бўлиб, у ҳам ўша Realme C15 моделидаги каби – 12 нанометрлик MediaTek Helio G35 процессори базасида ишлайди. Realme бу моделини диагоналига 6,5 дюймлик, тасвир аниқлиги 1600х720 пикселлик дисплей билан жиҳозлаган. Томонлари ўзаро 20:9 нисбатли экраннинг томчисимон кемтигида 5 мегапикселлик селфи-камера жойлашган.
Realme C12 тезкор ва ички хотираси тегишлича 3 ва 32 гигабайтлик ҳажмда, унга яна microSD-карти ҳам тушади. Корпуснинг орқа панелида квадрат блокка бош камеранинг 13 + 2 + 2 мегапикселлик сенсорлари ва фоточақноқ жойланган. Орқа қопқоқда яна бармоқ изи сканерига ҳам кўзимиз тушади.
Смартфоннинг аккумулятори 6000 мА/соатлик, лекин унда тезкор қувватлаш кўзда тутилмаган – атиги 10 ваттлик зарядлана олади.
ЎҚИНГ: Realme суперфлагмани 120 герцлик Samsung OLED-экранига эга ва 125 ваттлик тезкор қувватланади!
Realme C12 смартфонининг техник хусусиятлари:
Дисплей: LCD, 6,5", 1600х720, 20:9
Процессор: MediaTek Helio G35, графика PowerVR GE8320
Тезкор хотира: 3 ГБ, LPDDR4X
Ички хотира: 32 ГБ, eMMC 5.1, microSD слоти
Бош камера: 13 МП (f/2.2) + 2 МП (монохром датчик, f/2.4) + 2 МП (макрообъектив, f/2.4)
Олд камера: 5 МП
Аккумулятор: 6000 мА/соат, 10 Вт
Бармоқ изи сканери: орқа панелда
Алоқа: Dual 4G VoLTE, Wi-Fi 802.11n, Bluetooth 5, GPS, ГЛОНАСС, BeiDou, micro-USB
Аудио: 3,5 мм.лик тирқиш, FM-радио
Операцион тизим: Android 10 + Realme UI
Realme C12 қизил ва кўк рангли корпусларда, 128 долларга тенг нархда Индонезияда сотувга чиқди.
ЎҚИНГ: ТОП-10: Дунёдаги энг зўр ҳамёнбоп смартфонлар (AnTuTu рейтинги, 2020 йил июль)