Бунақасини аввал кўрмагансиз: фантастик нархдаги Mi Mix Alpha 5G тақдим қилинди!
Шанхайда бўлиб ўтган пресс-конференцияда Xiaomi директори Лей Цзюнь компаниянинг навбатдаги флагмани Xiaomi Mi 9 Pro 5Gʻдан ташқари футуристик дизайнда яратилган Xiaomi Mi Mix Alpha’ни ҳам намойиш қилди. Смартфоннинг асосий ўзига хосликларидан бири корпусни тўлиқ ўраб олган дисплей бўлган.
ЎҚИНГ: Redmi Note 8 глобал талқинда кутилмаган нархда тақдим қилинди!
Янги қурилманинг корпуси титан қотишмасидан тайёрланган бўлиб, у контрукцияни янада мустахкам, шу билан бирга енгилроқ бўлишини таъминлайди. Орқа тарафдаги экрандан ҳоли қисм эса керамикадан ишланган. Xiaomi Mi Mix Alphaʻга корпус юзасининг 180,6 фоизини эгалловчи дисплей ўрнатилган.
Қуйи қисмдаги ҳошия қалинлиги 2,15 ммни ташкил қилган. Барча тугмачалар дисплейга кўчирилган. Ташқи динамик эса мавжуд эмас. Овоз экрандаги вибрация ёрдамида юзага чиқарилади. Орқа панелда турли иловалардаги актуал маълумотлар акс этиб туради. Xiaomiʻнинг ваъда беришича, фойдаланувчилар тасодифий тегинишлардан азият чекмайдилар.
ЎҚИНГ: MIUI 11’даги янги функция Xiaomi смартфонлари эгаларининг ҳаётини сақлаб қолиши мумкин!
Смартфон 5G тармоғини қўллаб-қувватлайди. Қурилманинг самарадорлигига Qualcomm Snapdragon 855 Plus процессори 12 ГБлик тезкор хотира билан бирга жавоб беради. Доимий хотира ҳажми нақ 512 ГБни ташкил қилади. Аккумулятор сиғими 4050 мА/соатлик бўлиб, 40 ваттлик тезкор зарядлашни қўллаб қувватлайди.
Фото ва видео суратга олиш учун асосий датчиги 108 мегапиксел, қўшимча датчиклари 20 Мп ва 12 Мп бўлган учталик камера модули жавоб беради.
Деталлар аниқлиги ва суратнинг умумий тиниқлиги ажойиб таасурот қолдиради, суратга олиб бўлгандан сўнг расмнинг сифатини йўқотмаган ҳолда кўп карра яқинлаштириш мумкин.
Xiaomi Mi Mix Alpha нақ 2800 доллардан нархланган. Сотувга чиқиш санаси ҳақида аниқ маълумот берилмади. Компаниянинг аввалги русумлардаги аксарият телефонларини атиги 670 000 сўмдан бошланувчи нархларда Terashop.uz интернет-дўконимиздан харид қилиш имкони мавжуд.
ЎҚИНГ: Шошқалоқлар учун махсус: Яна тўртта Xiaomi смартфонига Android 10 чиқди!
