«ЖОНЛИ» ВИДЕО: Xiaomi президенти Mi Mix Flex (ёки Mi Dual Flex) буклама смартфонини ишлатиб кўрсатди!

Эгилувчан экранли букланувчи смартфон яратиш борасида бир қатор компаниялар иш олиб боришмоқда. Жумладан, «хитойча Apple»нинг шундай қурилмси аллақачон тайёр бўлган ва Terabayt.uz сайтида унинг илк «жонли» видеоси эълон қилинган.

ЎҚИНГ: КУТИЛМАГАН ВИДЕО: Ишлаётган ҳолдаги Xiaomi Mi Mix Flex буклама смартфонини «жонли» томоша қилинг!

Энди эса ушбу инқилобий гаджетнинг яна битта видеосини шахсан Xiaomi президентининг ўзи эълон қилди! Мазкур лавҳада Лин Бин (Lin Bin) планшет ва смартфон форм-факторига алмаша олувчи девайсни ишлатиб кўрсатган:

Гувоҳи бўлаётганингиздек, Samsung кўрсатган Galaxy F моделидан фарқли равишда, Xiaomi ишланмаси смартфоннинг шунчаки муҳандислик намунаси эмас, балки аллақачон тизимли ишлаб чиқаришга тайёр ҳолдаги, якуний вариантидир.

ЎҚИНГ: Xiaomi буклама смартфони – Mi Mix Flex нархи ва жиҳатлари билан илк бор танишамиз!

Бугина эмас, балки Weibo тармоғида ушбу видеолавҳани эълон қилар экан, Лин Бин унга қисқача изоҳ ҳам бериб кетган. Унда таъкидлашича, дисплейнинг ўзи ва унинг трансформация механизми, ҳимоя қоплами, шунингдек, MIUI’ни унга мослаштириш масалаларида қийинчиликлар бўлган. Аммо Xiaomi қурилмаси аллақачон тайёр ва у экрани икки томонидан букилувчи дунёдаги илк буклама смартфон бўлиши керак. Агарда бу гаджет Weibo аудиториясига маъқул келса (ёқмаслиги қийин-да ўзиям), компания уни оммавий ишлаб чиқаришга жорий этади.

Дарвоқе, ушбу инқилобий қурилмани номлаш учун иккита вариантдан бири танланиши айтилмоқда: Mi Mix Flex ва Mi Dual Flex. Унинг нархи 2000 евролик Samsung Galaxy Fold’никидан пастроқ, аммо «хитойча Apple»нинг яқин орада тақдим этилиши кутилаётган MI Mix 3S ҳамда Mi 9 моделлариникидан баландроқ бўлиши табиий.

Ҳозирча эса компаниянинг бошқа – ҳамёнбоп бир модели харидорлар орасида талаш бўлмоқда...

ЎҚИНГ: «Ёнғоқчақар» Redmi Note 7 смартфонини AliExpress’дан сотиб олинг!