Ўрта нархли Honor 30S намойиш этилди: Kirin 820 чипли илк 5G-смартфон

Huawei корпорациясининг суббренди ўзининг Honor 30S русумли 5G-смартфонини намойиш этди. Бу флагман эмас, балки ўрта нарх тоифасидаги қурилмадир.

ЎҚИНГ: Huawei камерасини сенсорли дисплей ўраб турувчи смартфон патентлади!

Ушбу девайс хитойлик техногигантнинг янги – Kirin 820 процессорини қўлловчи илк смартфондир, шу боисдан тақдимотда унинг «электрон юраги»га батафсил тўхталиб ўтишди. Мазкур чипсет 2,36 ГГц такт частотали битта Cortex-A76 ядроси, 2,22 ГГц.лик учта Cortex-A76 ҳамда 1,84 ГГц.лик тўртта Cortex-A55 ядроларини, шунингдек, Mali-G57 график процессорини ўзида жамлаган.

Ишлаб чиқарувчининг сўзларига кўра, Kirin 810 процессорига қараганда янги чипсетда GPU самарадорлиги 38 фоизга, CPU тезкорлиги – 27 фоизга, сунъий интеллектга масъул нейрон процессори – NPU самарадорлиги эса нақ 73 фоизга ошган. Kirin 820 чипсетидаги 5G-модем эса флагман процессор – Kirin 990 моделидаги кабидир.

ЎҚИНГ: iPhone 12’ларнинг процессори аллақачон Snapdragon 865’ни «ер тишлатди»!

Honor 30S диагоналига 6,5 дюймлик IPS-дисплейга эга бўлиб, унинг тасвир аниқлиги 2400х1080 пикселлик, томонлари ўзаро 20:9 нисбатида. Смартфон олд юзасининг 90,3 фоизини эгаллаган экраннинг юқори чап бурчагида олд камера учун тирқиш очилган. Қурилманинг бармоқ изи сканери корпуснинг қиррасига ўрнатилган.

Тўртбурчак блокдаги бош камера тўртта модулни ва фоточақноқни ўз ичига олади. Асосий датчик 64 мегапикселлик (f/1,8); кенг бурчакли (120 даражали) камера 8 мегапикселлик (f/2.4); 8 мегапикселлик телеобъектив эса 3 карра оптик зумга эга (f/2.4); макрообъектив (f/2.4) эса 2 мегапикселлик.

Honor 30S олд камераси эса 16 мегапикселлик (f/2.0) якка датчикдан иборат.

ЎҚИНГ: Ўз эгаларини рози қилган ТОП-10 смартфон (AnTuTu рейтинги, 2020 йил февраль)

Смартфоннинг 4000 мА/соатлик аккумулятори 40 ваттлик тезкор қувватлана олади. Унда Bluetooth 5.1 ҳамда NFC модуллари, USB Type-C порти мавжуд.

Honor 30S тезкор/ички хотира ҳажмига кўра икки хил модификацияда бўлиб, нархлари ҳам шунга яраша: 8/128 гигабайтлиги – $338, 8/256 гигабайтлиги – $380. Хитойда уни 7 апрелдан очиқ савдога чиқаришади, олдиндан буюртма эса аллақачон очилган. Бу смартфон халқаро бозорга чиқиши ҳақида ҳозирча маълумот йўқ.

Дарвоқе, ишлатилса ҳам нархини кўп йўқотмайдиган смартфонлар топ-ўнталигидаги нақ еттита ўринни айнан Huawei ва унинг Honor брендига мансуб моделлар банд этганидан хабарингиз бормиди?

ЎҚИНГ: Huawei P40, P40 Pro ва P40 Pro Plus'лар тақдим қилинди. Камерафонлар билан расман танишамиз