AirPods Pro’нинг ҳақиқий кушандасини ким тайёрлаётганини биласизми?

Apple яқинда тақдим этган буткул симсиз AirPods Pro қулоқчини ҳали савдога чиқиб улгурмасидан туриб, хитойликлар унинг 40 долларлик клонини сота бошлашган. Шунингдек, мазкур оригинал аксессуарнинг арзон клонини ҳам iPhone худди оригиналидек қабул қилаётгани видеосини эълон қилганмиз.

ЎҚИНГ: Қулоқчиннинг «додаси» чиқди – нақ 67 655 долларлик!

Slashleaks ресурсида эълон қилинган суратга кўра, купертиноликларнинг янги авлод буткул симсиз қулоқчинига рақиб бўлувчи девайсни Nokia компанияси тайёрламоқда. Гарчи у ҳақида аниқ маълумотлар бўлмса-да, эскизга кўра, қулоқчин ва ғилофи икки хил – қора ва кул ранг корпусларда таклиф этилади.

Шаклига қараганда, қулоқчиннинг ўзи қулоқ чиғаноғи ичида туради. Чизмада унинг микрофони учун тирқиш кўзга ташланади, аммо мазкур аксессуар ҳақида бошқа ҳеч нима маълум эмас. Дарвоқе, Nokia симсиз қулоқчинининг қувватловчи ғилофи шакли айнан Apple AirPods Pro’никига ўхшаш эканини ҳам таъкидлаш керак.

Nokia бу қулоқчинини қачон тақдим этиши ва нархи ҳам маълум эмас. Terashop.uz интернет-дўконимизда эса айрим ишлаб чиқарувчиларнинг турли русумлардаги симли ва симсиз қулоқчинларини атиги 105 000 сўмдан бошланувчи нархлар асосида сотиб олиш имкони мавжуд.

ЎҚИНГ: Apple AirPods’нинг яна бир кушандаси – Nubia Pods симсиз қулоқчини битта смартфон нархида сотилади!