Beeline Be-Smart yangi internet tariflarini ishga tushirdi
Aloqa operatori Beeline Be-Smart tarif rejalarining ishga tushirilgani haqida e’lon qildi. Be-Smart 1,99 tarif rejasidagi haftalik, yoki Be-Smart 8,99 tarifidagi oylik abonent to‘lovi evaziga abonentlar bir tarif rejasi doirasida nafaqat messenjerlarda, balki ommabop ijtimoiy tarmoqlarda ham bepul muloqotga ega bo‘ladilar.
“Mijozlarimizning xohish-istaklaridan kelib chiqgan holda biz yangi va qulay tariflarni joriy qildik va bu abonentlarimiz kutgan eksklyuziv yondashuvdir, — voqeani sharhlaydi Unitel‘ning tijorat direktori Maksim Yefremov. — Be-Smart yangi tarif rejalari bilan abonentlarimiz cheklovsiz muloqotning barcha imtiyozlaridan foydalangan holda doimo aloqada bo‘ladilar”.
Be-Smart 1,99 tarif rejasida tarmoq ichida haftasiga 150 daqiqa, boshqa yo‘nalishlarga – 25 daqiqa va 50 Megabayt internet-trafik taqdim etiladi. Shu bilan bir qatorda Viber, WhatsApp va Telegram orqali cheklovsiz ovozsiz muloqot taqdim etiladi. Haftalik abonent to‘lovi — $1,99.
Be-Smart 8,99 tarif rejasida tarmoq ichida oyiga 600 daqiqa, boshqa yo‘nalishlarga – 100 daqiqa va 300 Megabayt internet-trafik taqdim etiladi. Shu bilan bir qatorda Viber, WhatsApp va Telegram orqali, shuningdek www.facebook.com va www.odnoklassniki.ru ijtimoiy tarmoqlarida cheklovsiz ovozsiz muloqot taqdim etiladi. Oylik abonent to‘lovi — $ 8,99.
Tafsilotlar bilan www.beeline.uz saytida va Beeline Uzbekistan mobil ilovasida tanishishingiz mumkin.
Manba: Kun.uz
