Galaxy S20 ва iPhone 9 аллақачон сотувда, совғасига – Galaxy Buds+ ва AirPods!
Бутун дунё аҳли шу кунларда Galaxy S20 ҳамда iPhone 9 смартфонларининг тақдимотига кўз тиккан. Samsung’нинг мазкур флагманлари намойишига бир ҳафтадан озроқ вақт қолган бўлса, Apple бу ҳамёнбоп айфонининг мавжудлигини ҳатто тасдиқлагани ҳам йўқ.
ЎҚИНГ: Мартда чиқадиган iPhone 9 (ёки iPhone SE 2) қойилмақом реклама ролигида!
Шунга қарамасдан, аллақачон ушбу смартфонлар учун буткул расмий савдо тизимлари олдиндан буюртма ола бошлашибди! Ice Universe никли тармоқ информатори аноним манбадан олган қуйидаги суратларни Weibo ижтимоий тармоғида эълон қилган:
Кўриб турганингиздек, Жанубий Кореянинг йирик мобил операторларидан бўлган Korea Telecom ўз дўконида Galaxy S20 ҳамда iPhone 9’ни бемалол реклама қилиб, эрта буюртма расмийлаштиришга чақиряпти.
ЎҚИНГ: Барча Galaxy S20’лардаги ушбу янги функция Apple’нинг энг зўр флагманида ҳам йўқ!
Бундан ташқари, Korea Telecom ҳали намойиш қилинмаган Galaxy Buds+ симсиз қулоқчинини ҳам тилга олган:
Бу ерда ёзилишича, Galaxy S20 учун аввалдан буюртма қилганларга Galaxy Buds+ совға қилинади. iPhone 9 учун олдиндан буюртма берган харидорлар эса ҳадя сифатида AirPods қулоқчини олишади. Тўғри, нархлар ҳозирча кўрсатилмаган.
ЎҚИНГ: Galaxy S20’ларнинг аниқ нархларини Samsung ходими айтди – кутилганидан ҳам қиммат экан!
