Ниҳоят, ўйинбоп ASUS ROG Phone смартфони сотувга чиқяпти!
Asus компанияси ўзининг геймерларга мосланган Asus ROG Phone смартфонини шу йил ёзнинг бошидаёқ намойиш этганди. Аммо ишлаб чиқарувчи бу моделини ҳануз бозорга тақдим қилмай келаётир.
ЎҚИНГ: Asus ROG Phone: геймерлар кутаётган смартфон
Янги хабарлар эса мобил ўйинлар ишқибозларини хурсанд қилиши аниқ: GearBest интернет-дўконида ушбу геймерофон савдога қўйилди. Сайтдаги тавсифига кўра, бу глобал версиядаги Asus ROG Phone бўлиб, нархи ҳам чаккимас – нақ 1319 АҚШ долларига тенг!
Asus ROG Phone учун буюртма расмийлаштирган дастлабки харидорларга уни октябрь ойининг ўрталарида етказиб беришади. Девайснинг техник хусусиятлари билан эса қуйидаги мақоламизда танишиб чиқишингиз мумкин:
ЎҚИНГ: Asus ROG Phone чаққонликда бошқа смартфонларни орқада қолдирадиган кўринади
Айтиш керакки, айнан ўйинбоп смартфон сифатида илк бор Razer Phone қурилмаси тақдим этилган. Ушбу ишлаб чиқарувчи мазкур смартфоннинг иккинчи авлоди – Razer Phone 2 моделини ҳам яқин орада намойиш қилмоқчи. Булардан ташқари Xiaomi Black Shark, Nubia Red Magic ва ASUS ROG Phone каби геймерофонлар чиққан. Шунингдек, Samsung ҳам геймерлар учун смартфон чиқармоқчи ва бу Galaxy X модели бўлиши ҳам мумкин.
Дарвоқе, айнан геймерларга мўлжалланган модел бўлмаса-да, худди Razer Phone 2 сингари кучли Snapdragon 845 процессори ва иссиқлик ўтказувчи найчалар орқали совитиш тизими билан жиҳозланган, Geekbench’да қиммат флагманлар – OnePlus 6, Mi 8 ва ҳатто Galaxy S9+’ларни ортда қолдирган энг арзон флагманни Terashop.Uz интернет-дўконимиздан онлайн харид қилиш имкони мавжуд.
ЎҚИНГ: Хушхабар: Xiaomi Pocophone F1 етиб келди, Terashop.uz’дан харид қилинг!
