Ниҳоят, Xiaomi ромсиз слайдери – Mi Mix 3 флагманининг тақдимот санасини расман айтди
«Хитойча Apple»нинг энг кутилаётган фгамани намойиш этиладиган сана ниҳоят аниқ бўлди. Xiaomi бу ҳақда Weibo ижтимоий тармоғи орқали хабар берган.
ЎҚИНГ: Xiaomi’нинг янги – сирли LEX ҳамда ромсиз Mi Mix 3 смартфонларида махсус Xiao AI тугмачаси бўлади!
Хабарингиз бор – Mi Mix 3 смартфонини Xiaomi менежерлари аллақачон «жонли» суратлар ва видеоларда, ҳатто 5G тармоғида ишлатиб ҳам кўрсатишган. Унинг олд юзасини дисплей деярли буткул эгаллаган, атрофида юпқагина роми мавжуд. Қурилма слайдер форм-факторида ишланган, яъни унинг экрани асосий корпусдан пастга сурилиб тушади ва тепадан чиққан қисмда олд камера ҳамда бошқа датчиклар ўрин олган.
Weibo ижтимоий тармоғида эълон қилинган тизерга кўра, Xiaomi Mi Mix 3 моделини 15 октябрда расман тақдим этишади.
Дастлабки маълумотларга кўра, Xiaomi Mi Mix 3 якка кристалли Snapdragon 845 процессори ҳамда 6 ёки 8 гигабайтлик тезкор хотира жўрлигида ишлайди. Унинг жуфт модулли бош камераси 20 мегапикселли бўлиб, тасвирни оптик барқарорлаштириш тизимига эга. Симсиз қувватлаш технологияси жорий этилган ушбу смартфоннинг 552 долларга нархланиши кутилмоқда.
Бизнинг Terashop.uz интернет-дўконимизда эса Xiaomi’нинг бир қатор ҳамёнбоп смартфонларини, шунингдек, «Тезкорлик устаси» дея тавсифланувчи арзон флагмани – Pocophone F1 моделини, шунингдек, энг янги – Redmi Note 6 Pro фаблетини ҳам онлайн харид қилишингиз мумкин. Уларнинг барчасига бир йиллик муддатли расмий кафолатга эга эканлиги, онлайн тарзда буюртма бериш, ўзингизга қулай усулда тўлов қилиш имкониятлари ҳамда Ўзбекистон бўйича бепул элтиб берилиши сизга маъқул келади.
