Xiaomi расман Mi Note 10 Lite тақдимотини эълон қилди ва илк суратини кўрсатди
«Хитойча Apple» ҳали яқиндагина Xiaomi Mi 10 Youth Edition камерофонини намойиш этган эди. Эртага – 30 апрель куни унинг Redmi бренди атиги 140 долларлик Redmi Note 9 (маҳаллий бозорда – Redmi 10X 4G) моделини намойиш тақдим қилади.
ЎҚИНГ: Потенциал бестселлер – Redmi Note 9 суратлари ва хусусиятлари
Xiaomi бу билан чекланиб қолмасдан, шу куни бўлиб ўтадиган онлайн конференциясида яна битта гаджетини намойиш қилмоқчи. Бу – компаниянинг энг мустаҳкам смартфони, дея эътироф этилган фаблет – Mi Note 10 моделининг Lite-версиясидир.
Xiaomi Mi Note 10 Lite аввалроқ Таиланднинг NBTC сертификатлаш агентлиги ҳамда АҚШнинг Алоқа федерал комиссияси (Federal Communications Commission, FCC) томонидан сертификатланганида унинг айрим техник жиҳатлари ошкор бўлган. Энди эса компаниянинг ўзи унинг расмий суратини эълон қилди.
Кўриб турганингиздек, Xiaomi Mi Note 10 Lite смартфонининг датчикни ўз ичига олувчи камера блоги бешта камерали Xiaomi Mi Note 10’никидан ҳам катта. Ундаги асосий сенсор 64 мегапикселлик, унга қўшимча кенг бурчакли, телефото ҳамда саҳна чуқурлиги датчиклари бўлиши керак.
ЎҚИНГ: Ҳали тақдим этилмаган Xiaomi Mi 10 Lite Zoom: арзон 5G-смартфонда олинган суратлар ҳайратга солади!
Mi Note 10 Lite билан бирга тақдим этилаётган Redmi Note 9 тўртталик камерага эга бўлиб, қуйидаги расмий тизерда унинг асосий датчиги аниқлигига ҳам ишора қилинган:
Xiaomi Mi Note 10 Lite моделига қайтсак, шу пайтгача чиққан хабарларга кўра, унда томонлари ўзаро 19,5:9 нисбатли AMOLED-экран қўлланади. Дактилоскопли дисплейнинг ўлчами 6,47 дюймлик, тасвир аниқлиги эса 2340 х 1080 пикселлик бўлиши айтилмоқда. Qualcomm Snapdragon 730G процессорли бу смартфон Android 10 операцион тизими бошқаруви остида ишлайди. Унинг сиғимдор – нақ 5260 мА/соатлик аккумулятори эса 30 ваттлик технология бўйича тезкор қувват олади.
ЎҚИНГ: MIUI 12 «супер обой»лари тушадиган смартфонлар рўйхати + «жонли обой»ларни юклаб олиш учун ҳаволалар
