Xiaomi Black Shark 2 taqdimot kuni ma’lum, ammo u allaqachon Geekbench’da muxlislarni xafa qildi
Xiaomi kompaniyasining shu yil 13 aprelda namoyish etilgan o‘yinbop smartfoni hozirgacha eng kuchli Android-smartfon hisoblanadi. Ayni damda uning ikkinchi avlodi – Black Shark 2 modelini taqdimotga tayyorlagan va biz uning «jonli» videosini va suratlarini ham e’lon qilganmiz.
Kuni kecha ushbu geymerofonning ilk reklama tizeri e’lon qilingan edi. Unga ko‘ra, Black Shark 2 smartfoni joriy yilning 23 oktyabr kuni, Xitoyda rasman namoyish etiladi.
Bugun – 17 oktyabrda ushbu geymerlar smartfoni Geekbench servisida tekshirib ko‘rilgan. Benchmark ma’lumotlar bazasida qolgan axborotlar esa «xitoycha Apple» muxlislarining va o‘yin ishqibozlarining hafsalasini pir qilishi aniq.
Gap shundaki, Black Shark 2 geymerofoniga Qualcomm kompaniyasining hali rasman taqdim etilmagan Snapdragon 855 (yangi nomi – Snapdragon 8150) protsessori o‘rnatilganligi haqida ma’lumotlar chiqqandi. Ammo Geekbench benchmarkining ma’lumotlariga qaraganda, Xiaomi unga avvalgi modelidagi singari Snapdragon 855 chipini o‘rnatayotgan ekan:
Shuningdek, benchmark Black Shark 2 qurilmasining 8 gigabaytlik tezkor xotiraga ega ekanligi va Android 8.1 operatsion tizimi boshqaruvi ostida ishlashini ham oshkor etgan.
Xiaomi’ning bir qator rusumlardagi smartfonlari, shu shumladan «Tezkorlik ustasi» deya tavsiflanuvchi arzon flagmani – Pocophone F1 ham Terashop.uz internet-do‘konimizda rasmiy kafolat bilan sotilmoqda. Ularga onlayn tarzda buyurtma berish, o‘zingizga qulay usulda to‘lov qilish imkoniyatlari hamda O‘zbekiston bo‘yicha bepul eltib berilishi sizga ma’qul keladi.
