Xiaomi’нинг олдинги флагмани кутилмаганда AnTuTu’да рекорд ўрнатди!
Куни кеча тақдим этилган Black Shark 2 Pro ўйинбоп смартфони Qualcomm яқинда чиқарган энг кучли Snapdragon 855 Plus процессори базасида ишлайди. Тақдимотда унинг AnTuTu бенчмаркида 500 000 баллдан ошиқ натижа билан рекорд ўрнатгани айтилган, аммо...
ЎҚИНГ: Xiaomi барчани лақиллатган экан – иккита янги флагмани бенчмаркда «қовун туширди»!
Энди эса компаниянинг нисбатан эски – Xiaomi Mi 9 флагманининг худди шу AnTuTu сервисидаги натижаси эълон қилинди. Буни қарангки, Black Shark 2 Pro моделидагидан эскироқ ва самарадорлиги пастроқ – Snapdragon 855 чипсетига асосланган бўлса-да, бенчмаркда у 505 000 баллдан ошиқ натижа қайд этди!
Гап шундаки, бенчмарк сервиси дастурчилари AnTuTu иловасини 8.0.1 талқинигача янгилашганида, унинг самарадорликни ҳисоблаш алгоритмларига ҳам ўзгариш киритишган. Натижада у олдингидек тезкорликда ишлаётган қурилманинг натижаларини ҳам аввалгисидан юқорироқ қилиб чиқарадиган бўлган.
Xiaomi Mi 9 (сотиб олиш) флагманининг самарадорлиги ҳам аввалгидан жуда ошиб кетмаган, шунчаки янги версиядаги AnTuTu орқали синалганида натижаси юқорироқ чиққан.
Шуни ҳисобга олсак, Black Shark 2 Pro натижаларидаги фарққа ҳам ойдинлик киритилади: Xiaomi вакиллари тақдимотда эълон қилган натижа аслида ёлғон эмас. Шунчаки, уни ўшанда ҳали оддий халққа тақдим этилмаган AnTuTu 8.0.1 талқинидаги илова орқали ҳисоблаб чиқаришган, фойдаланувчилар текширган бенчмарк иловаси эски версияда бўлиб, аввалги алгоритмлар бўйича пастроқ балл чиқариб берган.
Лекин нима бўлганда ҳам, геймерларга мослаб совитиш тизими кучайтирилган, тағин энг бақувват процессорли Black Shark 2 Pro смартфонидан кўра компаниянинг олдинги флагмани юқори балл олгани барибир қизиқ.
Эслатиб ўтамиз, рекордчи Mi 9 флагмандан ташқари, турли русумлардаги Xiaomi телефонларини ҳам 590 000 сўмдан бошланувчи нархларда Terashop.uz онлайн дўконимиздан харид қилиш мумкин.
ЎҚИНГ: Redmi 7 Pro – кечагина тақдим этилган бақувват процессорли илк смартфонни августдаёқ кўрамиз!
