«Amerikalik Ahmadboy» hibsga olindi – u 17 yashar o‘smir ekan!
Yaqindagina biz noma’lum xakerlar Twitter ijtimoiy tarmog‘ining muhofazasini buzib kirishgani haqida yozgandik. O‘shanda u mashhur shaxslarning akkauntlari orqali kishilardan «ikki baravar qilib qaytarish sharti bilan» bitkoin so‘ragan.
O‘QING: «Vau, ishlab ketdi!»: Ilon Mask kosmos orqali ilk tvitni jo‘natdi
AQShda shu masala bo‘yicha gumonlanuvchi – 17 yoshli o‘spirin Twitter’dagi eng yirik xakerlik xurujini uyushtirishda ayblanib hibsga olingan. Aytish kerakki, o‘sha hujum natijasida pop yulduzlari, siyosatchilar va eng yaxshi biznesmenlarning akkauntlari buzilgan. Prokuror Endryu Uorren o‘spiringa «Amerika bo‘ylab odamlarni aldagani» uchun 30 ta ayblov e’lon qildi. Umuman olganda, uch kishi hibsga olingan, ulardan ikkitasi AQShdan va bir kishi Buyuk Britaniyadan.
Xillsboro-Kaunti okrugi prokuraturasining ma’lumotlariga ko‘ra, ayblovlar uyushgan firibgarlik va shaxsiy ma’lumotlardan jinoiy foydalanish kabi jiddiy ayblovlarni o‘z ichiga oladi.
16 iyulga o‘tar kechasi xakerlik hujumi paytida Ilon Mask, Bill Geyts, Jeff Bezos, Jo Bayden, Barak Obama va Kim Kardashianning akkauntlari buzib kirilgan edi, ularning nomidan bitkoin xayr-ehsonlari to‘g‘risidagi da’vatlar Twitter’ga joylashtirildi. Hujum natijasida o‘smir 100 ming dollarlik bitkoinni o‘zining kriptohamyoniga o‘tkazib olgan.
«Kriptovalyuta sanaladigan Bitkoin o‘g‘irlangan taqdirda uni kuzatish va qaytarish juda qiyin, – dedi prokuror Uorren, – ushbu jinoyatlar mashhur kishilarning nomlaridan foydalangan holda sodir etilgan, ammo ular asosiy qurbonlar emas, bu firibgarlik butun mamlakat bo‘ylab, shu jumladan Florida shtatida oddiy amerikaliklarga qarshi qilingan. Bu katta jinoyat bizning burni ostida rejalashtirilgan edi va biz bunga toqat qilmaymiz».
O‘QING: Toshkentda naq 3 million dollarlik Bitcoin sotgan shaxs qo‘lga olindi
Uorrenning so‘zlariga ko‘ra, FQB, Adliya vazirligi va bir qator davlat razvedka idoralari butun mamlakat bo‘ylab qidiruv ishlarini olib borgan va Xillsboro okrugida gumonlanuvchini aniqlagan.
Prokuror Tampa shahrida yashovchi xaker federal qonunga emas, balki shtat qonunlariga binoan sud qilinishini ta’kidladi, chunki Florida qonuni bo‘yicha u katta yoshli odam sifatida ayblanishi mumkin.
«Biz ushbu tergovda huquq-tartibot idoralarining tezkor choralarini yuqori baholaymiz va ular bilan hamkorlikni davom ettiramiz», deb yozadi Twitter’dagi rasmiy bayonotda, – o‘z navbatida, biz imkon qadar shaffof bo‘lamiz va ish tafsilotlarini doimiy ravishda taqdim etamiz». Kompaniya, shuningdek, tergov davom etar ekan, ichki tizimlar va vositalarga kirishni cheklash uchun jiddiy choralar ko‘rganligini qo‘shimcha qildi.
Kiberxavfsizlik bo‘yicha mutaxassislarga tayanib Bi-bi-si jurnalisti Jo Taydining xabar berishicha, xakerlar telefon qo‘ng‘irog‘i orqali Twitter xodimlarini yo‘ldan ozdirgan. Fishka deb ataladigan texnikadan foydalangan holda, Internet-firibgarlar maxfiy suhbat davomida kompaniya xodimlarining hushyorligini pasaytiradi va ulardagi muhim ma’lumotlarni qo‘lga kiritadi, bu ularga operatsion tizimga kirishga imkon bergan.
