Mi Mix 3 o‘ta qimmat narxda sotuvga chiqdi, tag‘in Xiaomi uning dizayni borasida aldagan ekan! (+video)
Xiaomi kompaniyasi Mi Mix 3 flagmanining «jonli» video va 5G tarmog‘ida ishlayotgan suratlarini hamda rasmiy reklamasini e’lon qilganidan xabaringiz bor. Ammo bularda u smartfonning romsizligi borasida ozroq aldov qo‘llagani kuni kecha ma’lum bo‘lib qoldi.
Gap shundaki, Xiaomi kuni kecha e’lon qilgan renderda Mi Mix 3 smartfoni sifatli tarzda namoyish etilgan. Unda qurilma ekraning har tomonida romlar o‘ta yupqa ekanini payqash qiyin emas. Lekin Xitoyning eng yirik videoportali – Youku saytida e’lon qilingan ushbu flagmanning reklama roligida esa uning pastki romi anchagina qalin ekanini ko‘rish mumkin. Mana, quyida Mi Mix 3’ning shu ikkita tasvirini o‘zaro taqqoslab ko‘ramiz:
Demak, render-suratlarda Xiaomi ushbu smartfonining romsizligi borasida yolg‘on qo‘llagan ekan. Avvalroq uning protsessori borasida ham shubhali ma’lumot chiqqandi.
Youku portalidagi reklama videoroligi Xiaomi Mi Mix 3 modelining slayder mexanizmini yana bir bor namoyon etgan:
O‘QING: Xiaomi smartfonlarining Android Pie asosidagi MIUI 10’gacha yangilanish jadvali
Ushbu devaysning rasmiy taqdimoti hali 25 oktyabrda bo‘lib o‘tishidan xabaringiz bor. Ammo Xitoydagi yirik onlayn do‘kon – JD.com saytida allaqachon uni oldindan buyurtma orqali sotuvga ham qo‘yishgan!
Internet-do‘konda unga 9999 yuan miqdorida narx belgilashgan, bu esa deyarli 1443 AQSh dollariga teng keladi! JD.com’ning «ishtahasi chakkimas», nima dedingiz?
Terashop.uz internet-do‘konimizda esa Xiaomi’ning bir qator rusumlardagi smartfonlari, shu shumladan «Tezkorlik ustasi» deya tavsiflanuvchi arzon flagmani – Pocophone F1 ham rasmiy kafolat bilan, hech qanaqa aldovlarsiz sotilmoqda. Ularga onlayn tarzda buyurtma berish, o‘zingizga qulay usulda to‘lov qilish imkoniyatlari hamda O‘zbekiston bo‘yicha bepul eltib berilishi sizga ma’qul keladi.
