Toshkent avtobuslarida bepul Wi-Fi paydo bo‘ldi
Toshkent shahrida harakatlanuvchi 3 ta yo‘nalishli avtobusda Wi-Fi Bus loyihasi doirasida bepul Wi-Fi ishga tushirildi. Bu haqda “Toshshahartransxizmat” matbuot xizmati xabar berdi.
Endilikda bepul Wi-Fi'dan 2-sonli, 38-sonli va 72-sonli avtobus yo‘lovchilari foydalanishlari mumkin. Unga qanday ulanadi?
Istalgan mobil qurilma yordamida Uzmobile-Wi-Fi tarmog‘idan kirish mumkin bo‘lgan Wi-Fi'ni tanlab, 9432 (Uzmobile abonentlari uchun) qisqa raqamiga yoki +99895 146-94-34 (boshqa mobil operatorlar abonentlari uchun) raqamiga xohlagan biror belgini SMS tarzida yuborish kerak.
Internet tezligi qancha bo‘lishi ma’lum emas.
“Toshshahartransxizmat” xabarida qayd etilishicha, foydalanuvchilarda bepul Wi-Fi orqali faqatgina Ziyonet.uz portaliga kirish imkoniyati bor.
Yil so‘nggiga qadar yana 50 ta yo‘nalishli avtobuslarda bepul internet tarmog‘ini joriy etish rejalashtirilgan.
